നെടുമങ്ങാട്: ആനാട് ഫാർമേഴ്‌സ് സർവീസ് സഹകരണ ബാങ്കിന്റെ ശതാബ്ദി ആഘോഷം ഫെബ്രുവരി 3ന് മുഖ്യമന്ത്രി പിണറായി വിജയൻ ഉദ്‌ഘാടനം ചെയ്യും. നൂറാം വാർഷികാഘോഷ പരിപാടികളുടെ സംഘാടക സമിതി ഓഫീസ് ബാങ്ക് പ്രസിഡന്റ് ആർ.അനിൽകുമാർ ഉദ്‌ഘാടനം ചെയ്തു.മാനേജിംഗ് ഡയറക്ടർ കെ.പ്രഭാകുമാർ,സി.പി.എം. നെടുമങ്ങാട് ഏരിയാ സെക്രട്ടറി അഡ്വ.ആർ.ജയദേവൻ,ഏരിയാ കമ്മിറ്റി അംഗം ടി.എസ്. ബൈജു, ബാങ്ക് ഭരണ സമിതി അംഗങ്ങൾ,സഹകാരികൾ, ബാങ്ക് ജീവനക്കാർ തുടങ്ങിയവർ പങ്കെടുത്തു. ഉദ്‌ഘാടനത്തോടനുബന്ധിച്ച് 12വരെ നീണ്ടുനിൽക്കുന്ന ആനാട് മേളയും കലാപരിപാടികളുമുണ്ടായിരിക്കും.