തിരുവനന്തപുരം: രണ്ടര വർഷം കൊണ്ട് 693 കോടിയുടെ വികസന പദ്ധതികൾ നേമത്ത് നടപ്പാക്കിയെന്ന് മന്ത്രി വി.ശിവൻകുട്ടി പറഞ്ഞു. നേമം മണ്ഡലത്തിന്റെ വികസനരേഖ പുറത്തിറക്കുന്ന ചടങ്ങിലാണ് മന്ത്രി ഇക്കാര്യം വ്യക്തമാക്കിയത്. ജില്ലാ പഞ്ചായത്ത് പ്രസിഡന്റ് അഡ്വ.ഡി.സുരേഷ്‌കുമാർ വികസന രേഖ ഏറ്റുവാങ്ങി.

പ്രധാന വികസനങ്ങൾ

 ആരോഗ്യ മേഖലയിൽ 52 കോടിയുടെ വികസന പദ്ധതികൾ

 54 കോടിയുടെ പാലങ്ങൾ നിർമ്മിച്ചു

 വാഴമുട്ടത്ത് 40 കോടി രൂപയുടെ നാഷണൽ ഹൗസിംഗ് മ്യൂസിയം ഉടൻ നിലവിൽ വരും

മണ്ഡലത്തിലെ റോഡ് നിർമ്മാണത്തിന് 254 കോടി ചെലവിടും

 വിദ്യാഭ്യാസമേഖലയിൽ 49 കോടി രൂപ ചെലവിട്ടു

 മണ്ഡലത്തിൽ ആകെയുള്ള 27 സർക്കാർ സ്‌കൂളുകളിൽ 18 സ്‌കൂളുകളിലെ

അടിസ്ഥാന സൗകര്യ വികസന നടപടികൾ പൂർത്തിയാക്കി

 9 സ്‌കൂളുകളുടെ വികസനം രണ്ടാംഘട്ട വികസന പദ്ധതിയിൽ ഉൾപ്പെടുത്തി പൂർത്തിയാക്കും

 ജലസേചന മേഖലയിലും കോടിക്കണക്കിന് രൂപയാണ് ചെലവഴിക്കുന്നത്

 കിഫ്ബി മുഖേന ചിത്രാഞ്ജലി സ്റ്റുഡിയോ വികസനത്തിനായി 150 കോടി ചെലവിടും

 കരമന ആഴാങ്കൽ നടപ്പാതയുടെ നവീകരണത്തിനും സൗന്ദര്യവത്കരണത്തിനുമായി 15 കോടി ചെലവിടും