വക്കം: കേരള ശാസ്ത്രസാഹിത്യ പരിഷത്ത് ആറ്റിങ്ങൽ മേഖലാ വാർഷികം പരിസ്ഥിതി പ്രവർത്തകനും കേരള ശാസ്ത്രസാഹിത്യ പരിഷത്ത് നിർവാഹകസമിതിയംഗവുമായ എൻ. ജഗജീവൻ ഉദ്ഘാടനം ചെയ്തു. അഞ്ചുതെങ്ങ് ഗ്രാമപഞ്ചായത്ത് പ്രസിഡന്റ് വി.ലൈജു, അഴൂർ ഗ്രാമപഞ്ചായത്ത് പ്രസിഡന്റ് ആർ.അനിൽ,പരിഷത്ത് മേഖലാ പ്രസിഡന്റ ആർ.സുധീർ രാജ്,സെക്രട്ടറി ബിനു തങ്കച്ചി എന്നിവർ സംസാരിച്ചു.തുടർന്ന് തീരദേശ വാർഡുകളിലെ ഹരിതസേനാംഗങ്ങളെ പങ്കെടുപ്പിച്ച് മാലിന്യമുക്ത പഞ്ചായത്തുകൾ എന്ന വിഷയത്തിൽ പരിശീലന ക്ലാസും വീടുകളിൽ ശാസ്ത്രീയമായി മാലിന്യ നിർമ്മാർജനം നടത്തുന്നതിനായി പരിഷത്തംഗങ്ങൾ പ്രചാരണ ഗൃഹസന്ദർശനവും നടത്തി.സമാപനസമ്മേളനത്തിന് പ്രസിഡന്റ് ആർ.സുധീർ രാജ് അദ്ധ്യക്ഷത വഹിച്ചു. സെക്രട്ടറി ബിനു തങ്കച്ചി സംഘടനാ റിപ്പോർട്ടും ട്രഷറർ എം.ഷൗക്കി വരവുചെലവ് കണക്കും ജില്ലാകമ്മിറ്റിയംഗം ജിനുകുമാർ സംഘടനാരേഖയും അവതരിപ്പിച്ചു. ഡോ.ബിനു കിഴുവിലം,സുനിൽകുമാർ,ഷാൻ ഷാക്കിർ എന്നിവർ പങ്കെടുത്തു.ആർ.സുധീർ രാജ് (പ്രസിഡന്റ്),എം.ഷൗക്കി (സെക്രട്ടറി),പ്രേമ (വൈ.പ്രസിഡന്റ്),സുനിൽകുമാർ (ജോ.സെക്രട്ടറി),ബി.എസ്.സജിതൻ (ട്രഷറർ) എന്നിവരെ ഭാരവാഹികളായി തിരഞ്ഞെടുത്തു.