തിരുവനന്തപുരം: വെള്ളായണിയിൽ പ്രവർത്തിക്കുന്ന ശ്രീ അയ്യൻകാളി മെമ്മോറിയൽ ഗവൺമെന്റ് മോഡൽ റസിഡൻഷ്യൽ സ്‌പോർട്സ് സ്‌കൂളിലെ 2024-25 അദ്ധ്യയന വർഷത്തിലെ 5, 11 ക്ലാസുകളിലേക്കുള്ള പ്രവേശനം (എസ്.സി., എസ്.ടി വിഭാഗത്തിലുള്ളവർക്ക് മാത്രം) 29 മുതൽ ഫെബ്രുവരി 29 വരെ 14 ജില്ലകളിലായി നടത്തും. നിലവിൽ 4, 10 ക്ലാസുകളിൽ പഠിക്കുന്ന കുട്ടികൾ സ്‌കൂൾ മേധാവിയുടെ സാക്ഷ്യപത്രം, മൂന്ന് ഫോട്ടോ, ജാതി, ജനന സർട്ടിഫിക്കറ്റ് എന്നിവയുടെ പകർപ്പ് സഹിതം എത്തിച്ചേരണം. കൂടാതെ ഒഴിവുള്ള 6, 7, 8, 9 ക്ലാസുകളിലേക്കും സെലക്ഷൻ നടത്തും. 5, 6, 7 ക്ലാസുകളിലെ സെലക്ഷൻ ട്രയൽ ഫിസിക്കൽ ടെസ്റ്റിന്റെ അടിസ്ഥാനത്തിലും 8, 9, 11 ക്ലാസുകളിലെ പ്രവേശനം ജില്ലാതലത്തിൽ ഏതെങ്കിലും സ്‌പോർട്സ് ഇനത്തിൽ പങ്കെടുത്ത സർട്ടിഫിക്കറ്റിന്റെയും സ്‌കിൽ ടെസ്റ്റിന്റെയും അടിസ്ഥാനത്തിലുമാണ്. സെലക്ഷൻ ട്രയൽ നടത്തുന്ന തീയതിയും സ്ഥലവും ചുവടെ. രാവിലെ 9നാണ് ട്രെയൽ തുടങ്ങുന്നത്. കൂടുതൽ വിവരങ്ങൾക്ക് 9447111553 എന്ന നമ്പറിൽ ബന്ധപ്പെടാം.

കാസർകോട് (29) – ഗവ. ഹയർസെക്കൻഡറി സ്‌കൂൾ ബന്തടുക്ക, കണ്ണൂർ (30) – പൊലീസ് പരേഡ് ഗ്രൗണ്ട്, കണ്ണൂർ, കോഴിക്കോട് (31) – ഗവ. ഫിസിക്കൽ എഡ്യൂക്കേഷൻ കോളേജ്, കോഴിക്കോട്, വയനാട് (ഫെബ്രുവരി 1) സെന്റ് മേരീസ് കോളേജ്, സുൽത്താൻ ബത്തേരി, വയനാട്, മലപ്പുറം (ഫെബ്രുവരി 2) – വി.എം.സി.എച്ച്.എസ് വണ്ടൂർ, മലപ്പുറം, പാലക്കാട് (3)– വിക്ടോറിയ കോളേജ്, പാലക്കാട്, തൃശ്ശൂർ (5) സെന്റ് തോമസ് തോപ്പ് സ്റ്റേഡിയം, തൃശ്ശൂർ, എറണാകുളം (6) – മഹാരാജാസ് കോളേജ് ഗ്രൗണ്ട്, എറണാകുളം, ആലപ്പുഴ (7) എസ്.ഡി.വി.എച്ച്.എസ്.എസ്, ആലപ്പുഴ, കോട്ടയം (8) – മുൻസിപ്പൽ സ്റ്റേഡിയം, പാല, കോട്ടയം, ഇടുക്കി (9) – സെന്റ് ജോർജ്എച്ച്.എസ്.എസ്. ചെറുതോണി, ഇടുക്കി, പത്തനംതിട്ട (27) മുൻസിപ്പൽ സ്റ്റേഡിയം, പത്തനംതിട്ട, കൊല്ലം (28) – എസ്.എൻ കോളേജ് ഫോർ മെൻ, കൊല്ലം, തിരുവനന്തപുരം (29) – ശ്രീ അയ്യൻകാളി മെമ്മോറിയൽ ഗവൺമെന്റ് മോഡൽ റസിഡൻഷ്യൽ സ്‌പോർട്സ് സ്‌കൂൾ വെള്ളയാണി.