നെയ്യാറ്റിൻകര: വിശ്വഭാരതി പബ്ലിക് സ്കൂൾ സംഘടിപ്പിച്ച സാന്ത്വന സ്പർശം നെയ്യാറ്റിൻകര മുനിസിപ്പൽ ചെയർമാൻ പി.കെ.രാജ്മോഹനൻ ഉദ്ഘാടനം ചെയ്തു.വിദ്യാർത്ഥികൾ ഫുഡ്ഫെസ്റ്റിവലിലൂടെ സമാഹരിച്ച നാലുലക്ഷത്തോളം രൂപ ചെലവഴിച്ച് മാനേജ്മെന്റിന്റെ സഹകരണത്തോടെ നെയ്യാറ്റിൻകര പാലിയേറ്റീവ് കെയറിലെ കിടപ്പുരോഗികൾക്ക് 13 വീൽച്ചെയറുകൾ,​മെഡിക്കൽ ഉപകരണങ്ങൾ,​എയർ ബെഡുകൾ,​മരുന്നുകൾ എന്നിവ നൽകി.ഏഴ് കുടുംബങ്ങൾക്ക് ചികിത്സാ ധനസഹായവിതരണവും നടത്തി.സ്കൂൾ മാനേജിംഗ് ട്രസ്റ്റി വി.വേലപ്പൻ നായർ,​ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ കെ.കെ.ഷിബു,​കൗൺസിലർ ഗ്രാമം പ്രവീൺ,നെയ്യാറ്റിൻകര സി.ഐ പ്രവീൺ,സ്കൂൾ ട്രസ്റ്റ് വൈസ് ചെയർമാൻ ആർ.വി സനിൽകുമാർ,സെക്രട്ടറി മുരളി കൃഷ്ണൻ,പ്രിൻസിപ്പൽ ജി.പി സുജ തുടങ്ങിയവർ പങ്കെടുത്തു.