തിരുവനന്തപുരം: രാഷ്ട്രപിതാവ് മഹാത്മാഗാന്ധിയുടെ 76ാം രക്തസാക്ഷി ദിനത്തിൽ നിയമസഭാ സമുച്ചയത്തിലെ മഹാത്മാഗാന്ധി പ്രതിമയിൽ സ്പീക്കർ എ.എൻ.ഷംസീർ പുഷ്പാർച്ചന നടത്തി. മന്ത്രി കടന്നപ്പള്ളി രാമചന്ദ്രൻ, ഗവ. ചീഫ് വിപ്പ് ഡോ.എൻ.ജയരാജ്, നിയമസഭാ സാമാജികരായ എൻ.കെ.അക്ബർ, ഇ.ചന്ദ്രശേഖരൻ, കെ.പി.മോഹനൻ, കെ.വി.സുമേഷ്, തോമസ് കെ. തോമസ്, കെ.എൻ. ഉണ്ണിക്കൃഷ്ണൻ, എം.വിൻസെന്റ്, നിയമസഭാ സെക്രട്ടറി ഇൻചാർജ് ഷാജി സി. ബേബി തുടങ്ങിയവർ പങ്കെടുത്തു. തുടർന്ന് സ്വാതന്ത്ര്യസമരത്തിൽ പങ്കെടുത്ത് വീരമൃത്യു വരിച്ചവരെ അനുസ്മരിച്ച് നിയമസഭയിൽ രണ്ട് മിനിറ്റ് മൗനമാചരിച്ചു.