പാലാ : കടംകൊടുത്ത പണം തിരികെ ചോദിച്ച യുവാക്കളെ കൊലപ്പെടുത്താൻ ശ്രമിച്ച കേസിൽ ഒ​രാൾ കൂടി അ​റ​സ്റ്റിൽ. ഭരണങ്ങാനം ഇളനാ​ട് വാഴക്കാലായിൽ വീട്ടിൽ സി​ജോ (27) നെയാണ് അറസ്റ്റ് ചെയ്തത്. ഇയാളും സുഹൃത്തുക്കളും ചേർന്ന് കഴിഞ്ഞ മാസം പാലാ സ്വദേശികളായ യുവാക്കളെ തടഞ്ഞുനിറു​ത്തി അ​സഭ്യം പ​റ​യു​കയും ഹെൽമെറ്റ് കൊണ്ട് ഇടിച്ച് കൊലപ്പെടുത്താൻ ശ്രമിക്കുകയുമായിരുന്നു. ആക്രമണത്തിൽ യുവാവിന്റെ മൂ​ക്കി​ന് സാരമായി പ​രി​ക്കേ​റ്റു. ഭരണങ്ങാനം സ്വദേശികളായ ബിനീഷ്, അനൂപ് എന്നിവരെ നേരത്തെ അറ​സ്റ്റ് ചെയ്തിരുന്നു. പാലാ എസ്.ഐ ബി​നു​വിന്റെ നേതൃത്വത്തി​ലായിരുന്നു അറസ്റ്റ്. പ്രതിയെ റിമാൻഡ് ചെയ്തു.