മാന്നാർ : ഫെബ്രുവരി​യി​ലെ അധി​കദി​നത്തി​ന്റെ അവസാന യാമത്തി​ൽ ആദ്യ കണ്മണി പി​റന്നതി​ന്റെ സന്തോഷത്തി​ലാണ് മാന്നാർ വിഷവർശ്ശേരിക്കര മൂന്നേത്ത് കണ്ണൻ-രേഷ്മ ദമ്പതികൾ. ഫെബ്രുവരി 29 രാത്രി 11.31നാണ് ഇവർക്ക് മകൾ ജനി​ച്ചത്.

കെ.എം വെഡ്‌ഡിംഗ്സ് എന്നപേരിൽ ഫ്രീലാൻസ് വീഡിയോഗ്രാഫറായി ജോലി ചെയ്യുകയാണ് കണ്ണൻ. കരുവാറ്റ ദീപ ആശുപത്രിയിൽ സി​സേസി​യനി​ലൂടെയായി​രുന്നു പ്രസവം.

ഫെബ്രുവരി മാസത്തിന് 29 ദിവസമുള്ള വർഷങ്ങളെയാണ് അധിവർഷം (ലീപ് ഇയർ) എന്ന് വിശേഷിപ്പിക്കുന്നത്. സാധാരണയായി 365 ദിവസമാണ് ഒരു വർഷത്തിലുള്ളത്. കൃത്യമായി പറഞ്ഞാൽ 365 ദിവസം, 5 മണിക്കൂർ , 49 മിനിറ്റ് 12 സെക്കൻഡ്. ഓരോ വർഷവും കാൽ ദിവസം കണക്കു കൂട്ടുന്നത് ഒഴിവാക്കാൻ നാലുവർഷം കൂടുമ്പോൾ ഒരു ദിവസം കൂടുതലായി ചേർക്കും. ഈ ദിവസം ജനിക്കുന്നവരുടെ പിറന്നാൾ ദിനം നാല് വർഷം കൂടുമ്പോൾ മാത്രമേ വരികയുള്ളൂവെന്നതാണ് പ്രത്യേകത.