ചേർത്തല: അന്ത്യോദയ, അന്നയോജന (മഞ്ഞ,എ.എ.വൈ), മുൻഗണന (പിങ്ക്,പി.എച്ച്.എച്ച്) റേഷൻ കാർഡിൽ ഉൾപ്പെട്ട അർഹരായവർ റേഷൻ കടകളിൽ എത്തി മസ്​റ്ററിംഗ് പൂർത്തിയാക്കണം. മസ്​റ്ററിംഗ് നടത്താത്ത കാർഡ് ഉടമകൾക്ക് അർഹമായ റേഷൻ വിഹിതം ഏപ്രിൽ മാസം മുതൽ ലഭിക്കില്ല.
അനർഹമായി കൈവശംവച്ചിരിക്കുന്ന അന്ത്യോദയ,അന്നയോജന റേഷൻ കാർഡുകൾ ചേർത്തല താലൂക്ക് സപ്ലൈ ഓഫിസിൽ ഹാജരാക്കി പൊതുവിഭാഗത്തിലേക്ക് തരംമാ​റ്റണമെന്നും അന്ത്യോദയ അന്നയോജന മുൻഗണന റേഷൻ കാർഡിൽ ഉൾപ്പെട്ട അനർഹരായവർ മസ്​റ്ററിംഗ് നടത്തരുതെന്നും മാർച്ച് 31 മുൻപ് മസ്​റ്ററിംഗ് പൂർത്തിയാക്കണമെന്നും സപ്ലൈ ഓഫിസർ അറിയിച്ചു.