അമ്പലപ്പുഴ: മനോനില തെറ്റിയ നിലയിൽ മണ്ണഞ്ചേരി പൊലീസ് ശാന്തിഭവനിലെത്തിച്ച കർണാടക സ്വദേശിയെ തേടി ബന്ധുക്കൾ എത്തി. ശാന്തിഭവനിലെ ചികിത്സയുടെ ഫലമായി സുഖപ്പെട്ട അല്ലാബക്ഷി ബന്ധുക്കളെക്കുറിച്ച് പറയുകയും അധികൃതർ അവരുമായി ബന്ധപ്പെടുകയുമായിരുന്നു. തുടർന്ന് ബന്ധുക്കളായ അശോക് അലിയും സുഹൃത്ത് റഫീക്കും ശാന്തി ഭവനിലെത്തി അല്ലാബക്ഷിയെ കൂട്ടിക്കൊണ്ടുപോയി. ശാന്തിഭവൻ മാനേജിംഗ് ട്രസ്റ്റി ബ്രദർ മാത്യു ആൽബിനും ജീവനക്കാരും ചേർന്ന് ഇയാളെ യാത്രയാക്കി.