തുറവൂർ: എസ്.എൻ.ഡി.പി യോഗം പട്ടണക്കാട് മേനാശേരി 534-ാം നമ്പർ ശാഖയുടെ കീഴിലുള്ള കളത്തിൽ ശ്രീധർമ്മശാസ്താ - ഭദ്രകാളി ക്ഷേത്രത്തിൽ ധർമ്മശാസ്താവിന്റെ പുനർനിർമ്മിക്കുന്ന ക്ഷേത്രത്തിന്റെ ഉപപീഠസമർപ്പണം തുറവൂർ മഹാക്ഷേത്ര ഉപദേശക സമിതി പ്രസിഡന്റ് സുനിൽകുമാർ പോട്ടച്ചിറ നിർവഹിച്ചു. ക്ഷേത്രം തന്ത്രി മാത്താനം അശോകൻ തന്ത്രി ,ക്ഷേത്രം ശില്പി പുന്നപ്ര സുനിൽകുമാർ, മേൽശാന്തി പത്മപുരം അനീഷ് ശാന്തി എന്നിവർ മുഖ്യകാർമ്മികരായി. ചടങ്ങിൽ എസ്.ഗംഗപ്രസാദ്, ഇ.ടി.പ്രസാദ്, സലിം അരവിന്ദം, പി.പ്രസാദ് പൂജക്കണ്ടത്തിൽ, അഡ്വ.പി. കെ.ബിനോയ്, സി.ആർ. രാജേഷ്, എ.വി.ഗംഗപ്രസാദ്, എൻ.എസ്.പവിത്രൻ, പി.എൻ.വിജയൻ തുടങ്ങിയവർ പങ്കെടുത്തു