ആലപ്പുഴ: എൽ.ഡി.എഫ് മാവേലിക്കര ലോക്‌സഭാ മണ്ഡലം തിരഞ്ഞെടുപ്പ് കൺവെൻഷൻ ചെങ്ങന്നൂർ ക്രിസ്ത്യൻ കോളേജ് ജംഗ്ഷന് സമീപം 7ന് നടക്കും. വൈകിട്ട് 5ന് നടക്കുന്ന കൺവെൻഷൻ മന്ത്രി കെ.ബി.ഗണേഷ് കുമാർ ഉദ്ഘാടനം ചെയ്യും. സി.പി.എം സംസ്ഥാന കമ്മിറ്റി അംഗം കെ.സോമപ്രസാദ് അദ്ധ്യക്ഷത വഹിക്കും. തിരെഞ്ഞെടുപ്പ് കമ്മിറ്റി ഓഫിസ് മന്ത്രി സജി ചെറിയാൻ ഉദ്ഘാടനം ചെയ്യും. മന്ത്രിമാരായ കെ.എൻ.ബാലഗോപാൽ, പി.പ്രസാദ്, എം.എൽ.എമാരായ അഡ്വ. ജോബ് മൈക്കൾ, തോമസ് കെ.തോമസ്, കോവൂർ കുഞ്ഞുമോൻ, എം.എസ്.അരുൺ കുമാർ, സി.പി.ഐ ദേശീയ എക്‌സി അംഗം കെ.പ്രകാശ് ബാബു, സി.പി.എം കേന്ദ്രകമ്മിറ്റി അംഗം സി.എസ്.സുജാത, വിവിധ കക്ഷി നേതാക്കളായ ഡോ. കെ.സി.ജോസഫ്, ജേക്കബ് തോമസ് അരികുപുറം, പി.കെ.ഗോപി, എൻ.എം.നായർ, ഐ.ഷിഹാബുദീൻ, ചാരുംമ്മൂട് സാദത്ത്, ബിനോയ് ജോസഫ് എന്നിവർ പങ്കെടുക്കും.