അമ്പലപ്പുഴ: ദേശീയപാതയിൽ പുറക്കാട് പഴയങ്ങാടിയിലുണ്ടായ വാഹനാപകടത്തിൽ പെട്ടി ഓട്ടോ ഡ്രൈവർക്ക് ദാരുണാന്ത്യം. പുറക്കാട് പുത്തൻചിറ വീട്ടിൽ കുഞ്ഞുമോൻ (55) ആണ് മരിച്ചത്. ഇന്നലെ രാവിലെ 7.30 ഓടെയായിരുന്നു അപകടം. സിമെന്റ് വാങ്ങാനായി കരൂരിലേക്ക് പോയ കുഞ്ഞുമോന്റെ പെട്ടി ഓട്ടോയ്ക്ക് പിന്നിൽ നിയന്ത്രണം തെറ്റിയ പിക്കപ്പ് വാൻ ഇടിക്കുകയായിരുന്നു. പെട്ടി ഓട്ടോ മറിഞ്ഞ് റോഡിൽ വീണ് കുഞ്ഞുമോന് പരിക്കേറ്റു.

ഉടൻ തന്നെ നാട്ടുകാർ ആലപ്പുഴ മെഡിക്കൽ കോളേജ് ആശുപത്രിയിലെത്തിച്ചെങ്കിലും രക്ഷിക്കാനായില്ല. സംസ്ക്കാരം ഇന്ന് രാവിലെ 11ന് വീട്ടുവളപ്പിൽ. ഭാര്യ: സീന. മകൻ:ശ്രീക്കുട്ടൻ.