മാന്നാർ: സംസ്ഥാന തീരദേശ വികസന കോർപ്പറേഷൻ ലിമിറ്റഡ് പ്രായിക്കരയിൽ നിർമ്മിച്ച ഫിഷ് ലാൻഡിംഗ് സെന്ററിന്റെ ഉദ്ഘാടനം ഇന്ന് രാവിലെ 11ന് മന്ത്രി സജി ചെറിയാൻ നിർവഹിക്കും ചെന്നിത്തല-തൃപ്പെരുന്തുറ ഗ്രാമപഞ്ചായത്ത് പ്രസിഡന്റ് വിജയമ്മ ഫിലേന്ദ്രൻ അദ്ധ്യക്ഷയാകും. കൊടിക്കുന്നിൽ സുരേഷ് എം.പി, ഫിഷറീസ് വകുപ്പ് സെക്രട്ടറി കെ.എസ്.ശ്രീനിവാസ് എന്നിവർ മുഖ്യാതിഥികളാകും. സംസ്ഥാന തീരദേശ വികസന കോർപ്പറേഷൻ ലിമിറ്റഡ് മാനേജിംഗ് ഡയറക്ടർ പി.കെ ഷെയ്ഖ് പരീത് റിപ്പോർട്ട് അവതരിപ്പിക്കും. മാവേലിക്കര ബ്ലോക്ക് പഞ്ചായത്ത് പ്രസിഡന്റ് ഇന്ദിരാദാസ്, മവേലിക്കര നഗരസഭ ചെയർമാൻ കെ.വി ശ്രീകുമാർ, ജില്ലാ പഞ്ചായത്തംഗം ജി.ആതിര, ബ്ലോക്ക് പഞ്ചായത്തംഗം ടിനു യോഹന്നാൻ, ഫിഷറീസ് വകുപ്പ് ഡയറക്ടർ ബി.അബ്ദുൽ നാസർ, തീരദേശ വികസന കോർപ്പറേഷൻ ലിമിറ്റഡ് ഡയറക്ടർ ബോർഡംഗം പി.കെ ഹാരിസ്, ജില്ല ഫിഷറീസ് ഡെപ്യൂട്ടി ഡയറക്ടർ ബെന്നിവില്യം, ഫിഷറീസ് അഡീ.ഡയറക്ടർ സ്മിത ആർ.നായർ, ഗ്രാമ പഞ്ചായത്തംഗം ബിനി സുനിൽ, പ്രായിക്കര ഉൾനാടൻ മത്സ്യത്തൊഴിലാളി ക്ഷേമവികസന സഹകരണസംഘം സെക്രട്ടറി ജേർസൺ തുടങ്ങിയവർ പങ്കെടുക്കും. 1.33 കോടി രൂപ ഉപയോഗിച്ച് 292.55 ചതുരശ്ര മീറ്റർ വിസ്തീർണത്തിൽ നിർമ്മിച്ചിരിക്കുന്ന ഫിഷ് ലാൻഡിങ് സെന്ററിന്റെ ഇരുനിലകളിലായി മത്സ്യലേലം ചെയ്യുന്നതിനുള്ള സംവിധാനം, കോൾഡ് സ്റ്റോറേജ്, വല നന്നാക്കുന്നതിനുള്ള സൗകര്യം, സബ് സെന്ററിനായി മുറി, ഓഫീസ് സംവിധാനം, ടോയ് ലെറ്റ് തുടങ്ങിയ സൗകര്യങ്ങൾ ഒരുക്കിയിട്ടുണ്ട്.