ആലപ്പുഴ: കഴിഞ്ഞ ദിവസമുണ്ടായ ഇടിമിന്നലിൽ വീടിന്റെ വയറിംഗും ഇലക്ട്രോണിക് ഉപകരണങ്ങളും കത്തിനശിച്ചു. ആലപ്പുഴ പുന്നമട വാർഡ് കണ്ടത്തിൽ പി.സുരേന്ദ്രന്റെ വീട്ടിലാണ് ഇടിമിന്നൽ നാശം വിതച്ചത്. വയറിംഗ് പൂർണമായും കത്തി നശിച്ചു. സ്വിച്ച് ബോർഡുകളും ഫ്യൂസും പൊട്ടിത്തെറിച്ചു. ഇലക്ട്രോണിക് ഉപകരണങ്ങൾക്കും കേടുപാടുണ്ടായി. ഭിത്തിയിലെ ചില ഭാഗങ്ങളിൽ പൊട്ടൽ വീണിട്ടുണ്ട്. സുരേന്ദ്രനും ഭാര്യ ഷൈലജയും മാത്രമാണ് ഈ സമയം വീട്ടിലുണ്ടായിരുന്നത്. ഏകദേശം 2 ലക്ഷം രൂപയുടെ നഷ്ടം ഉണ്ടായതായിട്ടാണ് കണക്ക്. കെ.എസ്.ഇ.ബി അധികൃതർ വീട്ടിലെത്തി പരിശോധന നടത്തി.