ആലപ്പുഴ: ആലപ്പുഴ മണ്ഡലത്തിലെ എൽ.ഡി.എഫ് സ്ഥാനാർത്ഥി എ.എം.ആരിഫ് ഹരിപ്പാട് നിയോജക മണ്ഡലത്തിലായിരുന്നു പ്രചാരണം. രാവിലെ ആറാട്ടുപുഴ തെക്ക് പഞ്ചായത്തിൽ നിന്ന് ആരംഭിച്ച് വിവിധ പരിപാടികളുടെ ഉദ്ഘാടനം നിർവഹിക്കുകയും പ്രധാനപ്പെട്ട വ്യക്തികളെയും മത-സമുദായ, സാംസ്കാരിക നേതക്കാളെയും തൊഴിലാളികളെസന്ദർശിക്കുകയും ചെയ്തു. ആറാട്ടുപുഴ, ചേപ്പാട്, പള്ളിപ്പാട് തുടങ്ങിയ പ്രദേശങ്ങളിലായിരുന്നു ഭവനസന്ദശനം. തുടർന്ന് പള്ളിപ്പാട് നടന്ന് കുടുംബസംഗമങ്ങളിൽ പങ്കെടുത്തു. ആറാട്ടുപുഴയിൽ സാമൂഹിക നീതിവകുപ്പിന്റെ കീഴിൽ കിടപ്പുരോഗികളായ വയോജനങ്ങൾക്ക് സുരക്ഷയും ചികിത്സയും ഉറപ്പാക്കുന്നതിന് ആറാട്ടുപുഴയിൽ തയാറാക്കിയ സാന്ത്വനതീരം സംരക്ഷണകേന്ദ്രത്തിന്റെ ഉദ്ഘാടനത്തിൽ പങ്കെടുത്തു. കുറിയപ്പശ്ശേരി, ആറാട്ടുപുഴ എന്നിവടങ്ങളിൽ സാമൂഹിക നീതി വകുപ്പ് നടപ്പിലാക്കുന്ന കിടപ്പ് വയോജനങ്ങൾക്കായുള്ള സ്വാന്തനതീരം മന്ത്രി ഡോ. ആർ.ബിന്ദുവാണ് ഉദ്ഘാടനം ചെയ്തത്.

ചടങ്ങിൽ എ.എം.ആരിഫ് വിശിഷ്ടാതിഥിയായി. വയോജനങ്ങളോട് കുശലാന്വേഷണം നടത്തിയ ശേഷം ചേപ്പാട് കിഴക്ക് മഹളിസംഘടനകളുടെ നേതൃത്വത്തിൽ നടന്ന കൺവെഷനിൽ പങ്കെടുത്തു.

ഇന്ന്

ചേർത്തല നിയമസഭ മണ്ഡലത്തിലാണ് പ്രചരണം. രാവിലെ 11ന് മാക്കേക്കടവ് പാലം സന്ദർശിക്കും. 11.30ന് പള്ളിപ്പുറം പഞ്ചായത്തിൽ ഗൃഹസന്ദർശനം, ഉച്ചക്ക് 2ന് ജി. സുധാകരനുമായി ചേർന്ന് പെരുമ്പളം പാലം സന്ദർശിക്കും. 2.30ന് അരുക്കുറ്റി, തൃച്ചാറ്റുകുളം മേഖലകളിൽ സന്ദർശനം, വൈകിട്ട് 4.30ന് പൂച്ചാക്കൽ ടൗണിലെ കടകമ്പോളങ്ങൾ സന്ദർശിക്കും.