മാന്നാർ: എസ്.എൻ.ഡി.പി യോഗം 2708-ാം നമ്പർ മാന്നാർ യൂണിയൻ ഗ്രാമം മേഖലാ നേതൃസംഗമം കാരാഴ്മ കിഴക്ക് ശാഖയിൽ നടന്നു. ശ്രീനാരായണ ഗുരുദേവൻ പ്രതിഷ്ഠ നടത്തിയ ക്ഷേത്രം സന്ദർശിക്കുന്നതിന് മേഖലയിലെ വിവിധ ശാഖകൾ നേതൃസംഗമത്തിൽ തീരുമാനം കൈക്കൊണ്ടു. യൂണിയൻ ചെയർമാൻ കെ.എം ഹരിലാൽ ഉളുന്തി നേതൃസംഗമം ഉദ്ഘാടനം ചെയ്തു. മേഖലാ ചെയർമാൻ ബിനു ബാലന്റെ അദ്ധ്യക്ഷത വഹിച്ചു. കൺവീനർ അനിൽ പി.ശ്രീരംഗം മുഖ്യപ്രഭാഷണം നടത്തി. യൂണിയൻ അഡ്.കമ്മറ്റി അംഗങ്ങളായ രാധാകൃഷ്ണൻ പുല്ലാമഠം, പി.ബി സൂരജ്, പുഷ്പശശികുമാർ, ടി.കെ.അനിൽകുമാർ, രാജേന്ദ്രപ്രസാദ് അമൃത, മേഖല വൈസ് ചെയർമാൻ ജയലാൽഉളുന്തി, ട്രഷറർ സുധർമ സുരേഷ്, യൂത്ത്മൂവ്മെന്റ് യൂണിയൻ വൈസ് ചെയർമാൻ സന്തോഷ് കാരാഴ്മ, കൺവീനർ ബിനുരാജ്, വനിതാസംഘം മേഖല കൺവീനർ ലതാ സുകുമാരൻ, എന്നിവർ സംസാരിച്ചു. മേഖലാ കൺവീനർ രവി പി.കളീയ്ക്കൽ സ്വാഗതവും വനിതാസംഘം മേഖല ചെയർ പേഴ്സൺ വിജയലക്ഷ്മി നന്ദിയും പറഞ്ഞു.