ആലപ്പുഴ: ആലപ്പുഴ വൈ.എം.സി.എയിൽ ആറു മുതൽ 12 വയസുവരെയുള്ള കുട്ടികൾക്കായി സമ്മർ ക്യാമ്പ് സംഘടിപ്പിക്കുമെന്ന് പ്രസിഡന്റ് മൈക്കിൾ മത്തായി അറിയിച്ചു. വിവിധ സ്പോർട്സ്, കലാ അക്കാഡമികളിൽ പ്രത്യേക പരിശീലന ക്ലാസുകളും ഉണ്ടായിരിക്കും. പ്രായപരിധിയില്ല. ഏപ്രിൽ 3 മുതൽ മേയ് 25 വരെയാണ് ക്യാമ്പും പരിശീലനവും. ടേബിൾ ടെന്നിസ്, ബാസ്‌ക്കറ്റ്ബാൾ, ബാഡ്മിന്റൺ, ചെസ്, തായ്ക്വോണ്ടോ, മ്യൂസിക്, ഡ്രോയിംഗ്, പെയിന്റിംഗ് എന്നിവയിലാണ് പ്രത്യേക പരിശീലനം. ഡ്രംസ്, ഗിറ്റാർ, വയലിൻ, കീബോർഡ്, വോക്കൽ ക്ലാസുകളും ഉണ്ടായിരിക്കും. 31ന് മുമ്പ് രജിസ്റ്റർചെയ്യണം. ഫോൺ : 8281228328, 0477 2262313.