ചേർത്തല: പ്രീപ്രൈമറി ക്ലാസുകൾ അന്താരാഷ്ട്ര നിലവാരത്തിലേക്ക് ഉയർത്തുവാൻ കടക്കരപ്പള്ളി ഗവ.യു.പി സ്‌കൂളിൽ വിദ്യാഭ്യാസ വകുപ്പ് സ്റ്റാർസ് പദ്ധതിയിൽപ്പെടുത്തി അനുവദിച്ച വർണകൂടാരം പദ്ധതിയുടെ നിർമ്മാണം തുടങ്ങി.നിർമ്മാണോദ്ഘാടനവും ഹരിതോദ്യാന ഫലവൃക്ഷതൈ നടീൽകർമ്മവും കടക്കരപ്പള്ളി ഗ്രാമപഞ്ചായത്ത് പ്രസിഡന്റ് ജയിംസ്ചിങ്കുതറ നിർവഹിച്ചു.ബ്ലോക്ക് പഞ്ചായത്തംഗം എസ്.ഷിജി അദ്ധ്യക്ഷനായി.
ഗ്രാമപഞ്ചായത്ത് വൈസ് പ്രസിഡന്റ് സതി അനിൽകുമാർ,സ്റ്റാൻഡിംഗ് കമ്മിറ്റി ചെയർമാൻ പി.കെ.സത്യാനന്ദൻ,വാർഡംഗം ബീന,എ.ഇ.ഒ പ്രസന്നകുമാരി,സതിദേവി രാമൻനായർ,പ്രഥമാദ്ധ്യാപിക എൻ.എസ്.ലിജിമോൾ,തുറവൂർ ബി.പി.സി അനുജ ആന്റണി,ശ്രീദേവി,വി.ഉദയകുമാർ എന്നിവർ സംസാരിച്ചു.