ചേർത്തല: പാർലമെന്റ് തിരഞ്ഞെടുപ്പിൽ ഇത്തവണ സംസ്ഥാനത്ത് 2004 ആവർത്തിച്ച് എൽ.ഡി.എഫ് മികച്ചവിജയം നേടുമെന്ന് മന്ത്റി സജിചെറിയാൻ. എൽ.ഡി.എഫ് ചേർത്തല നിയോജക മണ്ഡലം തിരഞ്ഞെടുപ്പ് കമ്മി​റ്റി ഓഫീസ് ചേർത്തലയിൽ ഉദ്ഘാടനം ചെയ്യുകയായിരുന്നു അദ്ദേഹം. രാജ്യസഭാ അംഗമായ എ.ഐ.സി.സി സംഘടനാചുമതലയുള്ള കെ.സി.വേണുഗോപാൽ ബി.ജെ.പിക്ക് ഒരു രാജ്യസഭാ സീ​റ്റുയർത്തി സഹായിക്കാനാണ് ഇടതുപക്ഷത്തിനെതിരെ മത്സരിക്കുന്നതെന്നും പൗരത്വ ഭേദഗതിക്കെതിരെയുള്ള പോരാട്ടത്തിൽ യു.ഡി.എഫ് പതുങ്ങി നിന്നപ്പോൾ എ.എം.ആരിഫടക്കമുള്ളവരാണ് പോരാട്ടം നയിച്ചതെന്നും മന്ത്റി പറഞ്ഞു. ജി.വേണുഗോപാൽ,എൻ.എസ്.ശിവപ്രസാദ്,വി.ജി.മോഹനൻ,എസ്.രാധാകൃഷ്ണൻ,എം.സി.സിദ്ധാർത്ഥൻ,ബി.വിനോദ്,വി.ടി.ജോസഫ്,ജോമിചെറിയാൻ,ഷേർളിഭാർഗവൻ എന്നിവർ പങ്കെടുത്തു.