ചേർത്തല: കേരള സാങ്കേതിക സർവകലാശാലാ നാഷണൽ സർവീസ് സ്‌കീം സെൽ, കെ.ചിറ്റിലപ്പിള്ളി ഫൗണ്ടേഷനുമായി സഹകരിച്ച് നടപ്പിലാക്കുന്ന ഭവന നിർമ്മാണ പദ്ധതിയായ 'സ്വപ്നകൂട്' പ്രകാരം ചേർത്തല എൻജിനിയറിംഗ് കോളേജ് എൻ.എസ്.എസ് യൂണിറ്റ് നിർമ്മിച്ച് നൽകിയ വീടിന്റെ താക്കോൽദാനം കെ.ടി.യു വൈസ് ചാൻസിലർ ഡോ.സജി ഗോപിനാഥ് നിർവഹിച്ചു. എൻ.എസ്.എസ് കെ.ടി.യു കോ- ഓർഡിനേറ്റർ ഡോ.എം.അരുൺ അദ്ധ്യക്ഷത വഹിച്ചു. പ്രോഗ്രാം ഓഫീസർ പ്രൊഫ.ടി.എൻ.പ്രിയകുമാർ റിപ്പോർട്ട് അവതരിപ്പിച്ചു. കെ.ടി.യു. ഡീൻ ഡോ.വിനു തോമസ്, ചിറ്റിലപ്പിള്ളി ഫൗണ്ടേഷൻ ഡയറക്ടർ എ.ജേക്കബ് കുരുവിള,പ്രോജക്ട് കോ-ഓർഡിനേറ്റർ ഡോ.എ.പി.സൂസമ്മ, ഡോ.എം.ജോയി വർഗീസ്,പ്രൊഫ.ഡി.എൽ.മണിലാൽ എന്നിവർ സംസാരിച്ചു. കോളേജ് പ്രിൻസിപ്പാൾ ഡോ.വി.എൽ.ജയ സ്വാഗതവും എൻ.എസ്.എസ് വോളന്റിയർ സെക്രട്ടറി അബ്ദുൾ മന്നൻ നന്ദിയും പറഞ്ഞു.