മാവേലിക്കര: ചെട്ടികുളങ്ങര ദേവീക്ഷേത്ര അവകാശികളായ പതിമൂന്ന് കരകളുടെ എതിരേൽപ്പ് മഹോത്സവത്തിന് തുടക്കമായി. കരക്രമം അനുസരിച്ച് ഈരേഴതെക്ക്, ഈരേഴവടക്ക്, കൈതതെക്ക്, കൈതവടക്ക്, കണ്ണമംഗലം തെക്ക്, കണ്ണമംഗലം വടക്ക്, പേള, കടവൂർ, ആഞ്ഞിലിപ്ര, മ​റ്റം വടക്ക്, മ​റ്റംതെക്ക്, മേനാമ്പളളി, നടക്കാവ് എന്നി​ങ്ങനെയാണ് എതിരേൽപ്പ് മഹോത്സവം നടക്കുന്നത്. ഇന്നലെ ഈരേഴ തെക്ക് കരയുടെ ഉത്സവം നടന്നു.

ഭദ്രകാളി മുടിയോടു കൂടിയ എഴുന്നളളത്താണ് നടന്നത്. ഇത് ഈരേഴ തെക്ക് കരയ്ക്ക് മാത്രമുള്ള പ്രത്യേകതയാണ്. ഇന്ന് ഈരേഴ വടക്ക് കരയുടെ എതിരേൽപ് മഹോത്സവം നടക്കും.