അരൂർ: സഹപാഠിയുടെ വീട്ടിലെത്തിയ പ്ളസ് ടു വിദ്യാർത്ഥിനി കുഴഞ്ഞു വീണ് മരിച്ചു. തോപ്പുംപടി അറക്കൽ വീട്ടിൽ പ്രിയങ്ക കന്തസ്വാമിയാണ് (17) മരിച്ചത്. എറണാകുളം ചിന്മയ വിദ്യാലയ പ്ലസ് ടു വിദ്യാർത്ഥിനിയായിരുന്നു. അരൂരിലുള്ള കൂട്ടുകാരികളുടെ വീടുകളിൽ വിരുന്നിന് എത്തിയ പ്രിയങ്ക ഭക്ഷണം കഴിച്ച് വിശ്രമിക്കുമ്പോൾ കുഴഞ്ഞുവീഴുകയായിരുന്നു. ഉടൻ തന്നെ നെട്ടൂർ ലെയ്ക്ക് ഷോർ ആശുപതിയിൽ എത്തിച്ചെങ്കിലും ശനിയാഴ്ച പുലർച്ചെ മരിച്ചു. നാഗർകോവിൽ സ്വദേശികളായ കന്തസ്വാമി -പത്മ ദമ്പതികളുടെ മകളാണ് . ഇരുപതു വർഷമായി എറണാകുളം പള്ളൂരുത്തിയിലാണ് താമസം. ഷൺമുഖപ്രിയയാണ് സഹോദരി.