അമ്പലപ്പുഴ: കെ.എസ്.ആർ.ടി.സി ബസിൽ കുഴഞ്ഞു വീണ യാത്രക്കാരനെ ബസിൽ തന്നെ ആശുപത്രിയിൽ എത്തിച്ചു. തിരുവനന്തപുരം - ഇരിങ്ങാലക്കുട സ്വിഫ്റ്റ് ബസ്സിൽ യാത്ര ചെയ്യുകയായിരുന്ന ചേർത്തല സ്വദേശി നജി വിജയനാണ് (56) വളഞ്ഞവഴി ഭാഗത്ത് വെച്ച് ബസ്സിൽ കുഴഞ്ഞു വീണത്. ഇന്നലെ രാത്രി 8.10 ഓടെയായിരുന്നു സംഭവം. ഉടൻ തന്നെ ഡ്രൈവർ നിഥിൻ ബസ് ആലപ്പുഴ മെഡിക്കൽ കോളേജ് ആശുപത്രിയിലെ ത്തിച്ചു. പ്രാഥമിക ചികിത്സ ലഭ്യമാക്കി യാത്രക്കാരനെ വാർഡിൽ പ്രവേശിപ്പിച്ചു. കായംകുളത്ത് നിന്നാണ് നജിവിജയൻ ബസിൽ കയറിയത്.