അമ്പലപ്പുഴ: ശാന്തി ഭവനിലെ എല്ലാ ആഘോഷവേളകളിലും എത്താറുള്ള എ.എം.ആരീഫ് എം.പി ഇത്തവണയും പതിവു തെറ്റാതെ എത്തി. ശാന്തി ഭവനിലെ അന്തേവാസികളുടെ ഈസ്റ്റർ ആഘോഷങ്ങളിൽ പങ്കെടുക്കാനായി ഹരിപ്പാട് ഭാഗത്തെ തിരഞ്ഞെടുപ്പ് പ്രചരണത്തിനിടിയിലാണ് അദേഹം എത്തിയത്.ശാന്തി ഭവനിലെ എല്ലാ അന്തേവാസികൾക്കും സ്വയം ഭക്ഷണം വിളമ്പി നൽകിയ ശേഷം അവരോടൊപ്പം അല്പസമയം ചെലവഴിച്ച ശേഷമാണ് അദ്ദേഹം മടങ്ങിയത്.ക്രിസ്മസ്, ഈസ്റ്റർ, ഓണം ആഘോഷവേളകളിൽ സ്ഥിരമായി ആരിഫ് എം.പി ശാന്തി ഭവനിൽ എത്താറുണ്ട്. തിരഞ്ഞെടുപ്പ് തിരക്കിനിടയിലും ശാന്തി ഭവനിലെ ഈസ്റ്റർ ആഘോഷത്തിൽ പങ്കെടുക്കാനെത്തിയ എം.പിക്ക് ശാന്തി ഭവൻ മാനേജിംഗ്‌ ട്രസ്റ്റി ബ്രദർ മാത്യു ആൽബിൻ നന്ദി പറഞ്ഞു.