ന്യൂഡൽഹി :തിരഞ്ഞെടുപ്പ് ബോണ്ടുകൾ 2019 ഏപ്രിൽ ഒന്ന് മുതൽ 2024 ഫെബ്രുവരി 15 വരെ 22217 എണ്ണം വിറ്റെന്നും ഇവയിൽ 22,030 എണ്ണം രാഷ്ട്രീയ പാർട്ടികൾ പണമാക്കി മാറ്റിയെടുത്തെന്നും എസ്.ബി.ഐ സുപ്രീംകോടതിയെ അറിയിച്ചു.

ലഭിച്ച വിവരങ്ങൾ നാളെ വൈകിട്ട് അഞ്ച് മണിക്കു മുൻപ് ഔദ്യോഗിക വെബ്സൈറ്റിൽ പ്രസിദ്ധീകരിക്കുമെന്ന് തിരഞ്ഞെടുപ്പ് കമ്മിഷൻ മാദ്ധ്യമങ്ങളോട് വെളിപ്പെടുത്തി.

കോടതി നിർദ്ദേശിച്ച സമയപരിധിക്കുള്ളിൽ തിരഞ്ഞെടുപ്പ് കമ്മിഷന് ബോണ്ട് വിവരങ്ങൾ കൈമാറിയെന്ന് ചൂണ്ടിക്കാട്ടി എസ്.ബി.ഐ ചെയർമാൻ ദിനേശ് കുമാർ ഖാരാ സത്യവാങ്മൂലം നൽകുകയായിരുന്നു. ചൊവ്വാഴ്ച ബാങ്ക് സമയം അവസാനിക്കുന്നതിന് മുൻപ് വിവരങ്ങൾ പെൻഡ്രൈവിലാക്കി മുദ്രവച്ച കവറിൽ കമ്മിഷന് കൈമാറി. പാസ് വേർഡ് സംരക്ഷിത ഡിജിറ്റൽ രൂപത്തിൽ രണ്ട് പി.ഡി.എഫ് ഫയലുകളാണ് നൽകിയത്.

ഒരു ഫയലിൽ ബോണ്ട് വാങ്ങിയവരുടെ പേരുകൾ, തീയതി, ബോണ്ടുകളുടെ മൂല്യം എന്നിവയാണ്. രണ്ടാമത്തെ ഫയലിൽ സംഭാവന സ്വീകരിച്ച രാഷ്ട്രീയ പാർട്ടികളുടെ വിവരങ്ങൾ, പാർട്ടികൾ കാശാക്കി മാറ്റിയെടുത്ത ഓരോ ബോണ്ടിന്റെയും വിശദാംശങ്ങൾ, മാറ്റിയെടുത്ത തീയതി എന്നിവയാണ്. ബോണ്ട് ലഭിച്ച പാർട്ടികൾ 15 ദിവസത്തിനകം രൂപയാക്കി മാറ്റിയെടുക്കണമെന്നാണ് വ്യവസ്ഥ. അങ്ങനെ ചെയ്യാത്ത ബോണ്ടുകളുടെ തുക പ്രധാനമന്ത്രിയുടെ ദേശീയ ആശ്വാസ നിധിയിലേക്ക് ചട്ടപ്രകാരം കൈമാറിയെന്നും എസ്.ബി.ഐ വ്യക്തമാക്കി.

തി​ര​ഞ്ഞെ​ടു​പ്പു​ ​ക​മ്മി​ഷ​ണ​ർ​ ​നി​യ​മ​നം:
നാളെ​ ​വാ​ദം​ ​കേ​ൾ​ക്കും

ന്യൂ​ഡ​ൽ​ഹി​:​ ​മു​ഖ്യ​ ​തി​ര​ഞ്ഞെ​ടു​പ്പു​ ​ക​മ്മി​ഷ​ണ​റു​ടെ​യും​ ​തി​ര​ഞ്ഞെ​ടു​പ്പു​ ​ക​മ്മി​ഷ​ണ​ർ​മാ​രു​ടെ​യും​ ​നി​യ​മ​ന​വു​മാ​യി​ ​ബ​ന്ധ​പ്പെ​ട്ട് ​കേ​ന്ദ്ര​സ​ർ​ക്കാ​ർ​ ​കൊ​ണ്ടു​വ​ന്ന​ ​നി​യ​മ​ത്തെ​ ​ചോ​ദ്യം​ ​ചെ​യ്ത​ ​ഹ​ർ​ജി​ ​സു​പ്രീം​കോ​ട​തി​ ​നാളെ​ ​പ​രി​ഗ​ണി​ക്കും.​ ​അ​ടി​യ​ന്ത​ര​മാ​യി​ ​വാ​ദം​ ​കേ​ൾ​ക്ക​ണ​മെ​ന്ന​ ​ഹ​ർ​ജി​ക്കാ​രാ​യ​ ​കോ​ൺ​ഗ്ര​സ് ​നേ​താ​വ് ​ഡോ.​ ​ജ​യ​ ​താ​ക്കൂ​ർ,​ ​അ​സോ​സി​യേ​ഷ​ൻ​ ​ഫോ​ർ​ ​ഡെ​മോ​ക്രാ​റ്റി​ക് ​റി​ഫോം​സ് ​സ​ന്ന​ദ്ധ​സം​ഘ​ട​ന​ ​എ​ന്നി​വ​രു​ടെ​ ​ആ​വ​ശ്യം​ ​അം​ഗീ​ക​രി​ച്ചു.​ ​വെ​ള്ളി​യാ​ഴ്ച​ ​പു​തി​യ​ ​ര​ണ്ട് ​ക​മ്മി​ഷ​ണ​ർ​മാ​രു​ടെ​ ​നി​യ​മ​ന​മു​ണ്ടാ​കു​മെ​ന്ന​ ​റി​പ്പോ​ർ​ട്ടു​ക​ൾ​ക്കി​ടെ​യാ​ണി​ത്.
തി​ര​ഞ്ഞെ​ടു​പ്പു​ ​ക​മ്മി​ഷ​ണ​റാ​യി​രു​ന്ന​ ​അ​നൂ​പ് ​ച​ന്ദ്ര​ ​പാ​ണ്ഡെ​ 14​ന് ​വി​ര​മി​ച്ചു.​ ​മാ​ർ​ച്ച് ​എ​ട്ടി​ന് ​അ​രു​ൺ​ ​ഗോ​യ​ൽ​ ​അ​പ്ര​തീ​ക്ഷി​ത​മാ​യി​ ​രാ​ജി​വ​ച്ചു.​ ​ര​ണ്ട് ​ഒ​ഴി​വു​ക​ളും​ ​നി​ക​ത്താ​ൻ​ ​കേ​ന്ദ്രം​ ​ന​ട​പ​ടി​ ​തു​ട​ങ്ങി​യ​തോ​ടെ​യാ​ണ് ​ഹ​ർ​ജി​ക്കാ​ർ​ ​കോ​ട​തി​യെ​ ​സ​മീ​പി​ച്ച​ത്.​ ​പു​തി​യ​ ​നി​യ​മ​പ്ര​കാ​രം​ ​പ്ര​ധാ​ന​മ​ന്ത്രി,​​​ ​ലോ​ക്‌​സ​ഭ​യി​ലെ​ ​പ്ര​തി​പ​ക്ഷ​ ​നേ​താ​വ് ​അ​ല്ലെ​ങ്കി​ൽ​ ​പ്ര​തി​പ​ക്ഷ​ത്തെ​ ​ഏ​റ്റ​വും​ ​വ​ലി​യ​ ​ക​ക്ഷി​യു​ടെ​ ​നേ​താ​വ്,​ ​പ്ര​ധാ​ന​മ​ന്ത്രി​ ​നി​ർ​ദ്ദേ​ശി​ക്കു​ന്ന​ ​കേ​ന്ദ്ര​മ​ന്ത്രി​ ​എ​ന്നി​വ​ര​ട​ങ്ങി​യ​ ​സെ​ല​ക്ഷ​ൻ​ ​ക​മ്മി​റ്റി​ക്കാ​ണ് ​അം​ഗ​ങ്ങ​ളെ​ ​തി​ര​ഞ്ഞെ​ടു​ക്കാ​നു​ള്ള​ ​അ​ധി​കാ​രം.​ ​എ​ന്നാ​ൽ,​ ​സ​മി​തി​യി​ൽ​ ​ചീ​ഫ് ​ജ​സ്റ്റി​സ് ​കൂ​ടി​യു​ള്ള​ ​സം​വി​ധാ​നം​ ​നി​ർ​ദ്ദേ​ശി​ച്ച​ ​സു​പ്രീം​കോ​ട​തി​ ​വി​ധി​ ​പാ​ലി​ക്ക​പ്പെ​ട​ണ​മെ​ന്നാ​ണ് ​ഹ​ർ​ജി​ക്കാ​രു​ടെ​ ​ആ​വ​ശ്യം.