ന്യൂഡൽഹി​: ജവഹർലാൽ നെഹ്‌റു യൂണി​വേഴ്‌സി​ വി​ദ്യാർത്ഥി​ യൂണി​യൻ തി​രഞ്ഞെടുപ്പി​ന്റെ വോട്ടെടുപ്പ് തുടങ്ങുന്നതി​ന് മണി​ക്കൂറുകൾക്ക് മുൻപ് ജനറൽ സെക്രട്ടറി സ്ഥാനത്തേക്ക് മത്സരി​ച്ച എ.ഐ.എസ്.എഫ് സ്ഥാനാർത്ഥി​ സ്വാതി സിംഗിനെ അയോഗ്യയാക്കി​യതി​ൽ കാമ്പസി​ൽ വ്യാപക പ്രതി​ഷേധം. നാല് വർഷത്തിന് ശേഷം നടക്കുന്ന വി​ദ്യാർത്ഥി​ യൂണി​യൻ തി​രഞ്ഞെടുപ്പി​ൽ ഇന്നലെ വോട്ടെടുപ്പ് പൂർത്തി​യായി​. 24നാണ് വോട്ടെണ്ണൽ.

ജനറൽ സെക്രട്ടറി​ സ്ഥാനത്തേക്കുള്ള തി​രഞ്ഞെടുപ്പ് മാറ്റണമെന്ന ഇടത് പാനലി​ന്റെ അഭ്യർത്ഥന സർവകലാശാല തിരഞ്ഞെടുപ്പ് കമ്മിറ്റി അംഗീകരി​ച്ചി​ല്ല. തുടർന്ന് ബാപ്‌സ പാനലി​ലെ പ്രിയാൻഷി ആര്യയ്‌ക്ക് ഇടത് പാനൽ പി​ന്തുണ പ്രഖ്യാപി​ച്ചു.

തന്റെ സ്ഥാനാർത്ഥി​ത്വം റദ്ദാക്കി​യത് മുഴുവൻ സംഘടനകളുടെയും യോഗം വി​ളി​ച്ച് ചർച്ച ചെയ്യണമെന്നും ജനറൽ സെക്രട്ടറി​ സ്ഥാനത്തേക്ക് വീണ്ടും തി​രഞ്ഞെടുപ്പ് നടത്തണമെന്നും ആവശ്യപ്പെട്ട് സ്വാതി​ സിംഗ് നി​രാഹാര സമരം തുടങ്ങി​യി​രുന്നു.

വനിതാ സെക്യൂരിറ്റി ഗാർഡുകളെ ആക്രമി​ച്ച സംഭവത്തി​ൽ സ്വാതി​ സിംഗിനെ പുറത്താക്കിയെന്ന് ചൂണ്ടിക്കാട്ടി എ.ബി​.വി​.പി​ അംഗം വികാസ് പട്ടേൽ നൽകി​യ പരാതി​യി​ലാണ് സ്ഥാനാർത്ഥി​ത്വം റദ്ദാക്കി​യത്. വോട്ടെടുപ്പ് ആരംഭിക്കുന്നതിന് ഏഴ് മണിക്കൂർ മുമ്പ് ഇന്നലെ പുലർച്ചെ രണ്ടുമണി​ക്കാണ് അയോഗ്യയാക്കി​ നോട്ടീസ് നൽകിയത്