തൃപ്പൂണിത്തുറ: കേരള അഗ്രികൾച്ചറൽ ടെക്നിക്കൽ സ്റ്റാഫ് അസോസിയേഷൻ ജില്ലാ സമ്മേളനം കിസാൻ സഭ ജില്ലാ സെക്രട്ടറി ഇ.കെ.ശിവൻ ഉദ്ഘാടനം ചെയ്തു. കെ.എ.ടി.എസ്.എ ജില്ലാ പ്രസിഡന്റ് പി.എസ്.സലിമോൻ അദ്ധ്യക്ഷനായി. സംസ്ഥാന ജനറൽ സെക്രട്ടറി സി.അനീഷ് കുമാർ സംഘടനാ റിപ്പോർട്ടും, ജില്ലാ സെക്രട്ടറി എം.ആർ. രതീഷ് പ്രവർത്തന റിപ്പോർട്ടും ജില്ലാ ട്രഷറർ ഇ.പി. സാജു വരവ് ചെലവ് കണക്കും അവതരിപ്പിച്ചു. ജില്ലയിലെ മികച്ച കൃഷി അസിസ്റ്റന്റായി തിരഞ്ഞെടുക്കപ്പെട്ട വി.കെ. ജിൻസിനെ ആദരിച്ചു.
ഭാരവാഹികളായി പി.എസ്. സലിമോൻ (പ്രസിഡന്റ്), ജോസ് മാത്യു, എസ്.സീന(വൈസ് പ്രസിഡന്റ്), ഇ.പി.സാജു (സെക്രട്ടറി), പി.ആർ.നികേഷ്, സജിത്ത് ദാസ് (ജോയിൻ്റ് സെക്രട്ടറിമാർ) എം.വി.ലൈലാബി (ട്രഷറർ) എന്നിവരെ തിരഞ്ഞെടുത്തു.