കൊച്ചി​: കെസ്മാർട്ട് ആപ്ലിക്കേഷനി​ൽ തങ്ങളുടെ കെട്ടി​ടങ്ങൾ സംബന്ധി​ച്ച വി​വരങ്ങൾ മാർച്ച് 31നകം അപ്ഡേറ്റ് ചെയ്യണമെന്ന് മേയർ അഡ്വ.എം. അനി​ൽകുമാർ അറി​യി​ച്ചു. കെട്ടി​ട നി​കുതി​ അടയ്ക്കൽ കാര്യക്ഷമമാക്കാൻ ഇത് അനി​വാര്യമാണ്.

കെസ്മാർട്ടിലെ pay tax ലിങ്ക് വഴി വാർഡും കെട്ടിട നമ്പറും നൽകിയാൽ കെട്ടിട വിവരങ്ങൾ ആപ്ലിക്കേഷനിൽ ഉൾപ്പെട്ടിട്ടുണ്ടോയെന്ന് അറിയാം.

കെസ്മാർട്ടിൽ ലോഗിൻ ചെയ്ത് ലിങ്ക് ബിൽഡിംഗ് ഓപ്ഷൻ സെലക്ട് ചെയ്ത്, ആധാർ അപ്‌ലോഡ് ചെയ്യാം. മൊബൈൽ നമ്പർ ചേർത്ത്, കെട്ടിടം കെസ്മാർട്ടുമായി ലിങ്ക് ചെയ്താൽ സേവനങ്ങളും ലഭ്യമാകും.

ലിങ്ക് കിട്ടിയില്ലെങ്കിൽ, കെട്ടിടം ഉൾപ്പെട്ടിട്ടില്ലെങ്കിൽ സോണൽ ഓഫീസിലി​യോ കോർപ്പറേഷൻ മെയിൻ ഓഫീസിലെ ഫെസിലിറ്റേഷൻ സെന്ററിലെയോ സേവനങ്ങൾ ഉപയോഗിക്കാം. നികുതികൾ പണമായി അടയ്ക്കാം. കെട്ടിട വിവരങ്ങൾ ഓൺലൈനിൽ ചേർക്കാൻ ജീവനക്കാർ സഹായിക്കും.

കൗൺസിലർമാരുടെ നേതൃത്വത്തിൽ വാർഡുതലത്തിലും ഫെസിലിറ്റേഷന് സൗകര്യം ഏർപ്പെടുത്തും.