കൊച്ചി: നവകേരള യാത്രയുടെ തുടർച്ചയായി നടന്നുവരുന്ന മുഖ്യമന്ത്രിയുടെ മുഖാമുഖം പരിപാടിയുടെ സമാപന സംവാദം ഇന്ന് കടവന്ത്ര രാജീവ് ഗാന്ധി ഇൻഡോർ സ്റ്റേഡിയത്തിൽ നടക്കും. രാവിലെ 9ന് ആരംഭിക്കുന്ന റെസിഡന്റ്‌സ് അസോസിയേഷൻ പ്രതിനിധികളുമായുള്ള മുഖാമുഖത്തിൽ തദ്ദേശ വകുപ്പ് മന്ത്രി എം.ബി രാജേഷ് അദ്ധ്യക്ഷത വഹിക്കും. വ്യവസായ മന്ത്രി പി. രാജീവ് വിശിഷ്ടാതിഥിയാകും. ടി.ജെ വിനോദ് എം.എൽ.എ, മേയർ അഡ്വ. എം അനിൽകുമാർ എന്നിവർ പങ്കെടുക്കും. 50 റെസിഡന്റ്‌സ് അസോസിയേഷൻ പ്രതിനിധികൾ മുഖ്യമന്ത്രിയുമായി നേരിട്ട് സംവദിക്കും. ബാക്കിയുള്ളവർക്ക് അഭിപ്രായങ്ങളും നിർദ്ദേശങ്ങളും എഴുതി നൽകാം. ജി.എസ് പ്രദീപ് മോഡറേറ്ററാകും.