കൊച്ചി: കേരള മാനേജ്‌മെന്റ് അസോസിയേഷൻ സംഘടിപ്പിക്കുന്ന സസ്റ്റയ്‌നബിലിറ്റി സമ്മേളനവും അവാർഡ്‌സ് നൈറ്റും ഈ മാസം ഏഴിന് വൈകിട്ട് 4.30ന് ഗോകുലം കൺവെൻഷൻ സെന്ററിൽ നടക്കും. മുൻ കേന്ദ്ര മന്ത്രിയും മുതിർന്ന മാദ്ധ്യമപ്രവർത്തകനുമായ എം.ജെ. അക്ബർ ഉദ്ഘാടനം ചെയ്യും.

ജിയോജിത് ഫിനാൻഷ്യൽ സർവീസസ് മാനേജിംഗ് ഡയറക്ടർ സി.ജെ. ജോർജ്, മീരാൻ ഗ്രൂപ്പ് ചെയർമാൻ നവാസ് മീരാൻ, മുത്തുറ്റ് പാപ്പച്ചൻ ഗ്രൂപ്പ് സി.എം.ഡി തോമസ് ജോൺ മുത്തൂറ്റ്, സിന്തൈറ്റ് ഇൻഡസ്ട്രീസ് ജോയിന്റ് മാനേജിംഗ് ഡയറക്ടർ അജു ജേക്കബ്, സി.എൽ.ടി ഇന്ത്യ സി.ഇ.ഒ നിക്‌സൺ ജോസഫ്, എക്‌സ്.എൽ.ആർ.ഐ പ്രൊഫ. കല്യാൺ ഭാസ്‌കർ എന്നിവർ പ്രഭാഷണം നടത്തും.

2024 ലെ പുരസ്‌കാരങ്ങൾ ചടങ്ങിൽ സമ്മാനിക്കുമെന്ന് കെ.എം.എ പ്രസിഡന്റ് എ. ബാലകൃഷ്ണൻ, സെക്രട്ടറി ദിലീപ് നാരായണൻ എന്നിവർ അറിയിച്ചു.