മട്ടാഞ്ചേരി: മയക്കുമരുന്ന് വിതരണശൃംഖലയിലെ യുവാവിനെ പൊലിസ് പിടികൂടി. പള്ളുരുത്തി എസ്.ഡി.പി.വൈ റോഡിൽ ആസിഫിനെയാണ് (23) മട്ടാഞ്ചേരി അസി.കമ്മിഷ‌ണർ കെ.ആർ. മനോജ്, ഇൻസ്പെക്ടർ എ.വി. ബിജു എന്നിവരുടെ നേതൃത്വത്തിൽ അറസ്റ്റുചെയ്തത്.

കഴിഞ്ഞ ഡിസംബറിൽ അഞ്ചുകിലോ കഞ്ചാവുമായി രാകേഷ് എന്നയാളെ മട്ടാഞ്ചേരി പൊലീസ് അറസ്റ്റുചെയ്തിരുന്നു. ഇയാളെ ചോദ്യംചെയ്തതിൽനിന്നാണ് മയക്കുമരുന്ന് വിതരണ ശൃംഖലയിലെ ആസിഫിനെ സംബന്ധിച്ച് വിവരം ലഭിക്കുന്നത്. തിങ്കളാഴ്ച രാത്രി തോപ്പുംപടി ചൂലേഴം ഭാഗത്തുനിന്ന് ഇയാളെ പിടികൂടുകയായിരുന്നു.

എസ്.ഐമാരായ ജിമ്മി ജോസ്, ശിവൻകുട്ടി, കെ.കെ. മധുസൂദനൻ, സീനിയർ സി.പി.ഒമാരായ എഡ്വിൻ റോസ്, എ.ടി. ശ്രീകുമാർ, ഹരി പ്രസാദ്, സി.പി.ഒ ഫെബിൻ എന്നിവരും പൊലീസ് സംഘത്തിലുണ്ടായിരുന്നു.