കൊച്ചി: ലോക്‌സഭാ തിരഞ്ഞെടുപ്പിനു മന്നോടിയായി സ്വീപ്പിന്റെ ഭാഗമായി മീം മേക്കിംഗ്, പ്രസംഗ മത്സരങ്ങൾ സംഘടിപ്പിക്കുന്നു. ഔദ്യോഗിക പ്രഖ്യാപനം തൃക്കാക്കര ഭാരത്‌മാത കോളേജിൽ നടന്ന ചടങ്ങിൽ കളക്ടർ എൻ.എസ്.കെ ഉമേഷ് നിർവഹിച്ചു. വോട്ട് ചെയ്യാൻ പ്രേരിപ്പിക്കുന്നതാവണം മീം മത്സര എൺട്രികൾ. 20ന് മുമ്പ് ekmsveep@gmail.com എന്ന വിലാസത്തിൽ എൻട്രികൾ അയയ്ക്കണം. 'സ്പീക്ക് അപ്പ്, സ്പീക്ക് ഔട്ട്' എന്ന പേരിലാണ്പ്രസംഗ മത്സരം. 'ഞാനെന്തിന് വോട്ട് ചെയ്യണം?' എന്നതാണ് വിഷയം. കോളേജ്തല മത്സര വിജയികൾക്ക് 18ന് കളക്ടറേറ്റ് കോൺഫറൻസ് ഹാളിൽ ഉച്ചയ്ക്ക് രണ്ടിന് ഫൈനൽ മത്സരം നടത്തും. വിവരങ്ങൾക്ക് 94475 74604.