കൊച്ചി: പട്ടികജാതി വിഭാഗങ്ങളുടെ സാമൂഹിക സാമ്പത്തിക ഉന്നമനം ലക്ഷ്യമിട്ട് പട്ടിക ജാതി വികസന വകുപ്പിന്റെ നേതൃത്വത്തിൽ ജില്ലയിൽ ഹോം സർവ്വേയ്ത്ത് ( ഹൗസ്‌ഹോൾഡ് ഓറിയന്റഡ് മൈക്രോ പ്ലാനിംഗ് ഫോർ എംപവർമെന്റ് സർവേ) തുടക്കമായി. പട്ടികജാതി വ്യക്തികളുടെയും കുടുംബങ്ങളുടെയും സങ്കേതങ്ങളുടെയും സമഗ്രമായ വിവരശേഖരണം ഡിജിറ്റൽ പ്ലാറ്റ്‌ഫോമിലാക്കുകയാണ് ലക്ഷ്യം.

പട്ടികജാതി വകുപ്പ് നടപ്പിലാക്കുന്ന പദ്ധതികളുടെ യഥാർത്ഥ ഗുണഭോക്താക്കളെ കണ്ടെത്തുന്നതിനും അവരെ മുഖ്യധാരയിലേക്ക് കൊണ്ടുവരാനും സർവേ വഴിലഭിക്കുന്ന വിവരങ്ങൾ സഹായകരമാകുമെന്നാണ് കണക്കുകൂട്ടൽ.

124 പട്ടികജാതി പ്രമോട്ടർമാർ, കമ്മ്യൂണിറ്റി സോഷ്യൽ വർക്കർമാർ, അക്രഡിറ്റഡ് എൻജിനി​യർമാർ, ഓവർസിയർ എന്നിവർ വഴിയാണ് 286 ഓളം വരുന്ന വിവരങ്ങൾ ഡിജിറ്റലായി ശേഖരിക്കുന്നത്. അതിദരിദ്ര കുടുംബങ്ങളുടെയും ദുർബല കുടുംബങ്ങളുടെയും വിവരങ്ങൾ ശേഖരിക്കുന്നതിന് പ്രത്യേകമായ മുൻഗണന നൽകും.