വനിതാ യാത്രികരെ ആദരിച്ച് കൊച്ചി മെട്രോ

കൊച്ചി: വേൾഡ് റിസോഴ്സസ് ഇൻസ്റ്റിറ്റ്യൂട്ട് ഇന്ത്യയുടെ ഷീറോ പുരസ്കാരത്തിന് കൊച്ചി മെട്രോയിലെ വനിതാ ട്രെയിൻ ഓപ്പറേറ്റർമാർ അർഹരായി. അനു സുരേഷ്, സി.എ. രേഷ്മ എന്നിവർ ഡൽഹിയിൽ നടന്ന ചടങ്ങിൽ പുരസ്കാരങ്ങൾ ഏറ്റുവാങ്ങി. എല്ലാ മേഖലയിലും വനിതകൾക്ക് പ്രാതിനിധ്യം നൽകുന്ന കൊച്ചി മെട്രോ റെയിൽ ലിമിറ്റഡ് മറ്റ് നഗരങ്ങൾക്ക് മാതൃകയാണെന്ന് വേൾഡ് റിസോഴ്സസ് ഇൻസ്റ്റിറ്റ്യൂട്ട് അധികൃതർ ചൂണ്ടിക്കാട്ടി.

വനിതാ ദിന ആഘോഷങ്ങളുടെ ഭാഗമായി കഴിഞ്ഞ ഒരു വർഷത്തിനിടെ കൊച്ചി മെട്രോയിൽ ഏറ്റവുമധികം യാത്ര ചെയ്ത വനിതകളായ സിമി തോമസ്, കെ. ശ്രീദേവി, അർച്ചന രവീന്ദ്രൻ എന്നിവരെ കെ. എം.ആർ.എൽ. ആദരിച്ചു.

പ്രൊജക്ട്സ് വിഭാഗം ഡയറക്ടർ ഡോ. എം. പി. രാംനവാസ് അദ്ധ്യക്ഷനായി. ചടങ്ങിൽ ഓപ്പറേഷൻസ് ചീഫ് ജനറൽ മാനേജർ എ. മണികണ്ഠൻ, ഫിനാൻസ് ജനറൽമാനേജർ സീനി അലക്സ് , ഓപ്പറേഷൻസ് ജോയിന്റ് ജനറൽ മാനേജർ രശ്മി രഞ്ചൻ സാഹു, സീനിയർ ഡെപ്യൂട്ടി ജനറൽ മാനേജർ തലോജു സായ്കൃഷ്ണ തുടങ്ങിയവർ പങ്കെടുത്തു.