കൊച്ചി: അടൂർ ലൈഫ് ലൈൻ ആശുപത്രിയുടെ മൾട്ടി സ്‌പെഷ്യാലിറ്റി വിഭാഗം ഇന്ന് വൈകിട്ട് 4ന് മന്ത്രി വീണാ ജോർജ് ഉദ്ഘാടനം ചെയ്യും. ഡെപ്യൂട്ടി സ്പീക്കർ ചിറ്റയം ഗോപകുമാർ അദ്ധ്യക്ഷത വഹിക്കും. മന്ത്രിമാരായ പി. പ്രസാദ്, കെ.ബി. ഗണേശ്‌കുമാർ, ആന്റോ ആന്റണി എം.പി, തിരുവഞ്ചൂർ രാധാകൃഷ്ണൻ, യു. പ്രതിഭ, എം.എസ്. അരുൺകുമാർ, ഡോ. സുജിത് വിജയൻ പിള്ള, ജില്ലാ മെഡിക്കൽ ഓഫീസർ ഡോ.എൽ. അനിതാകുമാരി എന്നിവർ വിവിധ ഡിപ്പാർട്ടുമെന്റുകളുടെ സമർപ്പണം നിർവഹിക്കും.

സി.പി.എം പത്തനംതിട്ട ജില്ലാ സെക്രട്ടറി കെ.പി. ഉദയഭാനു, കെ.പി.സി.സി ജനറൽ സെക്രട്ടറി പഴകുളം മധു, എ.പി. ജയൻ, ബി.ജെ.പി സംസ്ഥാന കമ്മിറ്റി അംഗം ടി.ആർ. അജിത്, എസ്.എൻ ട്രസ്റ്റ് എക്‌സിക്യുട്ടീവ് ഡയറക്ടർ കെ. പദ്മകുമാർ, മുസ്ലിം ലീഗ് ജില്ലാ പ്രസിഡന്റ് ടി.എം. ഹമീദ്, മേലൂട് അനിൽകുമാർ, അരുൺ തടത്തിൽ, പള്ളിക്കൽ ഗ്രാമ പഞ്ചായത്ത് പ്രസിഡന്റ് സുശീല കുഞ്ഞമ്മ കുറുപ്പ്, ജില്ലാ പഞ്ചായത്ത് അംഗം സറീന ദേവി കുഞ്ഞമ്മ, ബ്ലോക്ക് പഞ്ചായത്ത് അംഗം എ.പി. സന്തോഷ്, ഗ്രാമ പഞ്ചായത്ത് അംഗം ശൈലജ പുഷ്പൻ,

ലൈഫ് ലൈൻ ആശുപത്രി മാനേജിംഗ് ഡയറക്ടർ ഡോ.എസ്. പാപ്പച്ചൻ, മെഡിക്കൽ ഡയറക്ടർ ഡോ. മാത്യൂസ് ജോൺ, സി.ഇ.ഒ ഡോ. ജോർജ് ചാക്കച്ചേരി എന്നിവർ സംസാരിക്കും. ഡയറക്ടർമാരായ ഡെയ്‌സി പാപ്പച്ചൻ, ഡോ. സിറിയക് പാപ്പച്ചൻ എന്നിവർ വിശിഷ്ട വ്യക്തികൾക്ക് ഉപഹാരങ്ങൾ നൽകും.