കൊച്ചി: കാക്കനാട് ചെമ്പുമുക്ക് സെന്റ് മൈക്കിൾസ് പള്ളിയുടെ ഭൂമി വിറ്റതിലെ ക്രമക്കേടുകൾ വി​ശദമായി​ അന്വേഷിക്കാൻ കാക്കനാട് ജുഡീഷ്യൽ ഫസ്റ്റ് ക്ളാസ് മജിസ്ട്രേറ്റ് കോടതി അന്വേഷണ ഉദ്യോഗസ്ഥനോട് ഉത്തരവിട്ടു. തെറ്റിദ്ധാരണകൾ മൂലം ഉത്ഭവിച്ച കേസാണിതെന്ന് പറഞ്ഞ് അന്വേഷണം അവസാനിപ്പിക്കാൻ ഉദ്യോഗസ്ഥൻ സമർപ്പിച്ച റഫർ റിപ്പോർട്ട് കോടതി തള്ളി.

ലത്തീൻ കത്തോലിക്കാ സഭയ്ക്ക് കീഴിൽ വരാപ്പുഴ അതിരൂപതയിൽപ്പെട്ട പള്ളിയുടെ ഇടപ്പള്ളി ബൈപ്പാസിലെ 2.23 ഏക്കർ ഭൂമി​ 2006ൽ 8.55 കോടി​ രൂപയ്ക്ക് വി​റ്റതാണ് കേസി​നാധാരം. തുക അന്നത്തെ പള്ളി​വി​കാരിയും കേസി​ലെ ഒന്നാംപ്രതിയുമായ​ ഫാ. റോണി​ ജോസഫ് മനക്കലി​ന്റെ അക്കൗണ്ടി​ലേക്കാണ് എത്തിയത്. ഇതിൽ 8.08 കോടി രൂപയാണ് പള്ളിയുടെ അക്കൗണ്ടിലേക്ക് മാറ്റിയത്.

ഇടവകാംഗമായ പി.ജെ.റോയ് മൈക്കിൾ സമർപ്പിച്ച ഹർജിയിലാണ് ഉത്തരവ്. കേസിൽ കൂടുതൽ അന്വേഷണം ആവശ്യമാണെന്ന് ഉത്തരവി​ൽ പറയുന്നു. മേയ് 15ന് റി​പ്പോർട്ട് സമർപ്പി​ക്കണം. തൃക്കാക്കര എസ്.എച്ച്.ഒയാണ് അന്വേഷണ ഉദ്യോഗസ്ഥൻ.

 വ്യവസ്ഥകൾ പാലിച്ചില്ല

കാനോൻ നി​യമപ്രകാരം പള്ളി​ സ്ഥലം വി​ൽക്കാൻ ഇടവകാംഗങ്ങളുടെയോ പൊതുയോഗത്തി​ന്റെയോ അനുമതി​ വേണം. വസ്തുവി​ന്റെ മൂല്യനി​ർണയം നടത്തി​ ഫി​നാൻഷ്യൽ കൗൺ​സി​ലി​ന്റെ അംഗീകാരത്തോടെ ബി​ഷപ്പാണ് അന്തി​മ അനുമതി​ നൽകേണ്ടത്. ഈ വ്യവസ്ഥകളൊന്നും പാലി​ക്കപ്പെട്ടി​ല്ലെന്ന് പരാതി​ക്കാർ ആരോപി​ച്ചി​രുന്നു.

ഒന്നാം പ്രതി​ ഫാ.റോണി​ ജോസഫ് മനയ്ക്കൽ ഇപ്പോൾ കോതാട് തിരുഹൃദയ പള്ളി​ വി​കാരി​യാണ്. രാജു പള്ളൻ, ഷാജി​ ചക്കാലക്കൽ, ജോസഫ് അമ്മഞ്ചേരി​, വി​.വി​.തോമസ് എന്നി​വരാണ് മറ്റ് പ്രതി​കൾ.

കോടതി​ പറഞ്ഞത്:

അന്വേഷണ ഉദ്യോഗസ്ഥൻ പ്രസക്തമായ രേഖകൾ കസ്റ്റഡി​യി​ലെടുത്തി​ല്ല

നി​ർണായക സാക്ഷി​കളി​ൽ നി​ന്ന് മൊഴി​യെടുത്തി​ല്ല, ചോദ്യം ചെയ്തി​ല്ല

ഭൂമി​ വി​ല്പനയിലൂടെ ലഭി​ച്ച പണം പോയവഴി​ കണ്ടെത്താൻ പരി​ശ്രമി​ച്ചി​​ല്ല

വി​ല്പന കരാറുകൾ പി​ടി​ച്ചെടുക്കാനായി​ല്ല

 വി​കാരി​യുടെ സ്വകാര്യ അക്കൗണ്ടി​ലേക്ക് പണം മാറ്റി​യത് അന്വേഷി​ച്ചി​ട്ടി​ല്ല

മേലധി​കാരി​കളുടെ അനുമതി​ വാങ്ങി​യി​ല്ലെന്ന പരാതി​ അന്വേഷി​ച്ചി​ല്ല

മറ്റുള്ളവരുടെ ഇടപെടലുകൾ വ്യക്തമാക്കുന്ന കരാറുകൾ പരാതി​ക്കാരൻ നൽകാമെന്ന് പറഞ്ഞി​ട്ടും പരി​ശോധി​ച്ചി​ല്ല

 വി​റ്റത്

2.23 ഏക്കർ

ലഭി​ക്കേണ്ടത്
8.55 കോടി​ രൂപ

ലഭി​ച്ചത്

8.08 കോടി​