പറവൂർ: പറവൂരിൽ നിന്ന് കോയമ്പത്തൂരിലേക്ക് പുതിയ രണ്ട് കെ.എസ്.ആർ.ടി.സി ഫാസ്റ്റ് പാസഞ്ചർ ബസ് സർവീസുകൾ ഇന്ന് തുടങ്ങും. രാവിലെ ഏഴരയ്ക്ക് പറവൂർ നഗരസഭാ ചെയർപേഴ്സൺ ബീന ശശിധരൻ ഫ്ലാഗ് ഓഫ് ചെയ്യും. പുലർച്ചെ അഞ്ചിനും രാവിലെ ഏഴിനുമാണ് സർവീസുകൾ. അഞ്ചിന് പുറപ്പെടുന്ന ബസ് രാവിലെ 10.25നും ഏഴിന് പുറപ്പെടുന്നത് ഉച്ചയ്ക്ക് 12.40നും കോയമ്പത്തൂരിൽ എത്തും. വൈകിട്ട് 3.40നും 5.20നും മടക്കയാത്ര. രാത്രി 9.10നും10.45നും പറവൂരിലെത്തും. പറവൂരിൽ നിന്ന് കൊടുങ്ങല്ലൂർ, തൃപ്രയാർ, വാടാനപ്പള്ളി, കാഞ്ഞാണി, തൃശൂർ, വടക്കഞ്ചേരി, ആലത്തൂർ, പാലക്കാട്‌, കഞ്ചിക്കോട്, വാളയാർ, മധുക്കര വഴിയാണ് സർവീസ്.