ആലുവ: കീഴ്മാട് സർവീസ് സഹകരണ ബാങ്കിന്റെ ആഭിമുഖ്യത്തിൽ കീഴ്മാട് ഗ്രാമപഞ്ചായത്ത് സർക്കാർ ആയുർവേദ ഡിസ്‌പെൻസറിയിലേക്ക് കസേരകളും വാൾഫാനും ബാങ്ക് പ്രസിഡന്റ് പി.എ. മുജീബ്, കീഴ്മാട് ഗ്രാമപഞ്ചായത്ത് ആരോഗ്യ സ്റ്റാൻഡിംഗ് കമ്മിറ്റി ചെയർപേഴ്‌സൺ റസീല ഷിഹാബ് എന്നിവർ ചേർന്ന് കൈമാറി. പഞ്ചായത്ത് അംഗങ്ങളായ സാജു മത്തായി, കെ.എ. ജോയ്, ബാങ്ക് ഭരണസമിതി അംഗങ്ങളായ ഇ.എം. ഇസ്മയിൽ, എം.എ. സത്താർ, കെ.എ. അബ്ദുൾ ഗഫൂർ, ബാങ്ക് സെക്രട്ടറി ജിജി സേവ്യർ എന്നിവർ പങ്കെടുത്തു.