തൃപ്പൂണിത്തുറ: തെക്കൻ പറവൂർ ശ്രീയോഗേശ്വര മഹാദേവ ക്ഷേത്രത്തിൽ പ്രതിഷ്‌ഠാ വാർഷികം 17 ന് നടക്കും. ക്ഷേത്രം തന്ത്രി മനയത്താറ്റ്മന ചന്ദ്രശേഖരൻ നമ്പൂതിരിപ്പാട്, ആമേടമംഗലത്ത്മന എം.എസ്. ശ്രീധരൻ നമ്പൂതിരിപ്പാട്, ക്ഷേത്രം മേൽശാന്തി ശ്രീകൃഷ്‌ണൻ നമ്പൂതിരി എന്നിവരുടെ മുഖ്യ കാർമ്മികത്വത്തിൽ രാവിലെ 5 ന് നടതുറപ്പ്, നിർമ്മല്യ ദർശനം, 5.30 ന് അഭിഷേകം, ഗണപതി ഹോമം, കലശപൂജകൾ, 9ന് ഉപദേവന്മാരുടെ കലശാഭിക്ഷേകം, 9.30 ന് ലക്ഷ്മി നരസിംഹത്തിന് 25 കലശാഭിക്ഷേകം, 10.30 ന് ധാരയോടും 25 കലശാഭിഷേകത്തോടും കൂടി മഹാദേവന് ഉച്ചപൂജ, 12 ന് പ്രസാദ ഊട്ട്, വൈകിട്ട് 5.30 ന് നടതുറപ്പ്, 6 ന് മഹിളാ സമാജത്തിന്റെ ആഭിമുഖ്യത്തിൽ നെടുവേലി ക്ഷേത്രത്തിൽ നിന്ന് താലം വരവ്, 7 ന് നിറമാല, ദീപ കാഴ്ച്ച, ദീപാരാധന തുടർന്ന് ശ്രീ യോഗേശ്വര ഭജനസമിതി അവതരിപ്പിക്കന്ന ഭജന, 8 ന് അത്താഴ പൂജയോട്കൂടി സമാപനം.