സാധാരണയായി, പരീക്ഷ കഴിഞ്ഞാൽ വിദ്യാർത്ഥികൾ ഏറ്റവുമധികം പരാതി പറയുന്നത് സമയക്കുറവിനെ കുറിച്ചാണ്. ഇത്തവണ അത് ആവർത്തിക്കാനിടവരരുത് എന്ന് ഉറപ്പിക്കണം. വിദ്യാർത്ഥി 200 മിനിറ്റിൽ 180 ചോദ്യങ്ങൾക്ക് ഉത്തരം നൽകണം. ഒരു ചോദ്യത്തിന് ഉത്തരം നൽകാൻ പരമാവധി ഒരു മിനിറ്റ് മതി. എന്നാൽ ഫിസിക്‌സ്, കെമിസ്ട്രി എന്നിവയിൽ നിന്നുള്ള ചില ചോദ്യങ്ങൾക്ക് കൂടുതൽ സമയം ആവശ്യമായി വന്നേക്കാം. ഫിസിക്‌സ്, കെമിസ്ട്രി ചോദ്യങ്ങൾക്ക് കൂടുതൽ സമയത്തിന്റെ ആവശ്യകത പരിഹരിക്കുന്നതിന്, എല്ലായ്‌പ്പോഴും ബയോളജി ചോദ്യങ്ങൾക്ക് ആദ്യം ഉത്തരമെഴുതുക. തുടർന്ന് കെമിസ്ട്രി, ഫിസിക്‌സ് ചോദ്യങ്ങൾക്ക് ഉത്തരം കണ്ടെത്തുന്നതാണ് നല്ലത്.
ആദ്യം ഫിസിക്‌സ് ചോദ്യങ്ങൾക്ക് ഉത്തരമെഴുതുന്ന വിദ്യാർത്ഥികൾ ടൈം മാനേജ്‌മെന്റിൽ ഏറെ ശ്രദ്ധിക്കേണ്ടതുണ്ട്. ചില ചോദ്യങ്ങൾ വളരെ കടുപ്പമേറിയതും ഉത്തരം കണ്ടെത്താൻ ബുദ്ധിമുട്ടുള്ളതുമാണെങ്കിൽ, സങ്കല്പികമായി ഉത്തരം നൽകാൻ ശ്രമിക്കുന്നതിനുപകരം അത് ഉപേക്ഷിക്കുക. നെഗറ്റീവ് മാർക്കിംഗ് രീതി നിലവിലുണ്ട്. ഒരു ചോദ്യത്തിന് നാലു മാർക്ക് വീതം 180 ചോദ്യങ്ങൾക്ക് മൊത്തം 720 മാർക്ക് നീറ്റിനുണ്ട്. ഉത്തരം തെറ്റായാൽ ഒരു മാർക്ക് വീതം നഷ്ടപ്പെടും. അതിനാൽ ഉത്തരം അറിയില്ലെങ്കിൽ കറക്കിക്കുത്താൻ ശ്രമിക്കരുത്.
NEET UG 24ന്റെ പ്രധാന പാഠഭാഗങ്ങൾ
.............................................
(ഫിസിക്‌സ്, കെമിസ്ട്രി, ബയോളജി)
തെർമോഡൈനാമിക്‌സ്, മോൾ ആശയം, പൂവിടുന്ന സസ്യങ്ങളുടെ രൂപഘടന
തരംഗങ്ങളും ശബ്ദവും, രാസ, അയോണിക് സന്തുലിതാവസ്ഥ, പൂച്ചെടികളിലെ ലൈംഗിക പുനരുത്പാദനം
കപ്പാസിറ്ററുകളും ഇലക്‌ട്രോസ്റ്റാറ്റിക്‌സും, ഇലക്‌ട്രോകെമിസ്ട്രി, ബയോടെക്‌നോളജിയും അതിന്റെ പ്രയോഗങ്ങളും
മാഗ്‌നറ്റിക്‌സ് കോർഡിനേഷൻ, കെമിസ്ട്രി സെൽ സൈക്കിൾ
വൈദ്യുതകാന്തിക ഇൻഡക്ഷൻ, കെമിക്കൽ ബോണ്ടിംഗ്, സെൽ ഡിവിഷൻ
കിനിമാറ്റിക്‌സ് , കെമിക്കൽ തെർമോഡൈനാമിക്‌സ്, ജൈവവൈവിദ്ധ്യവും സംരക്ഷണവും
ഗ്രാവിറ്റേഷൻ, കെമിക്കൽ ഗതിവിഗതികൾ, മനുഷ്യ പുനരുത്പാദനം, പോഷകാഹാരം
ഉയർന്ന സസ്യങ്ങളിൽ ഫ്‌ളൂയിഡ് ബയോമോളിക്യൂളുകളുടെ ഫോട്ടോസിന്തസിസ്
ഹീറ്റ് പോളിമറുകൾ, ബയോ ഇക്കോണമി, ബയോ പോളിമറുകൾ,
പകർച്ചവ്യാധികൾ, ഒപ്റ്റിക്സും ആധുനിക ഭൗതികശാസ്ത്രവും
(അവസാനിച്ചു)
(ലേഖകൻ വിദ്യാഭ്യാസ വിദഗ്ധനും, ബെംഗളൂരുവിലെ ട്രാൻസ്ഡിസിപ്ലിനറി യൂണിവേഴ്‌സിറ്റി ഒഫ് ഹെൽത്ത് സയൻസസ് & ടെക്‌നോളജിയിലെ പ്രൊഫസറുമാണ്)