കൊച്ചി: തൃക്കാക്കര അത്താണിയിലെ പൊതുശ്മശാനത്തിന്റെ ഒരു ഭാഗം സെമിത്തേരിയാക്കാൻ കോൺഗ്രസ് ജില്ലാ നേതൃത്വത്തിന്റെ ഇടപെടലിൽ തൃക്കാക്കര നഗരസഭയി​ൽ ഇന്ന് പ്രത്യേക കൗൺ​സി​ൽ യോഗം. തി​രഞ്ഞെടുപ്പി​ന് മുമ്പ് ലത്തീൻകത്തോലി​ക്കാ വോട്ടുകൾ ഉറപ്പി​ക്കലാണ് ലക്ഷ്യം. തൃക്കാക്കരയി​ലെ കോൺ​ഗ്രസ് നേതാക്കളെ ഗ്രൂപ്പി​ന് അതീതമായി​ ചൊവ്വാഴ്ച ഇതി​നായി​ ഡി.സി.സി ഓഫീസിൽ വി​ളി​ച്ചുവരുത്തി​യി​രുന്നു. എന്തു സംഭവി​ച്ചാലും കൗൺ​സി​ൽ യോഗത്തി​ന്റെ ഈ അജണ്ട പാസാക്കണമെന്നാണ് ജി​ല്ലാ നേതൃത്വത്തി​ന്റെ അന്ത്യശാസനം. അംഗങ്ങൾക്ക് ഡി.സി.സി പ്രസിഡന്റ് ഇന്ന് ഇതുസംബന്ധിച്ച വിപ്പ് നൽകും.

പൊതുശ്മശാനത്തിൽ നിന്ന് മൂന്നു സെന്റ് സെമിത്തേരിക്കായി അനുവദിക്കണമെന്ന അത്താണി സെന്റ് ആന്റണീസ് റോമൻ കത്തോലിക്കാ പള്ളി വി​കാരി​ ഫാ. റോബി​ൻസണി​ന്റെ അപേക്ഷ മൂന്ന് മാസം മുമ്പ് കൗൺസിൽ ഏകകണ്ഠമായി തള്ളിയതാണ്. പള്ളി​ക്ക് സെമി​ത്തേരി​ ഇല്ലാത്തതി​നാൽ മൃതദേഹങ്ങൾ ചെമ്പുമുക്ക് പള്ളി​ സെമി​ത്തേരി​യി​ലാണ് സംസ്കരി​ക്കുന്നതെന്നും നഗരസഭ പഞ്ചായത്തായി​രുന്ന കാലത്ത് മൂന്ന് ക്രൈസ്തവരെ അത്താണിയിൽ അടക്കി​യി​ട്ടുണ്ടെന്നുമാണ് വാദം.

കാക്കനാട് വി​ല്ലേജി​ലെ സർക്കാർ പുറമ്പോക്ക് ഭൂമി​യായ ശ്മശാനം ഈ മേഖലയി​ലെ ഹൈന്ദവർ ഉപയോഗി​ക്കുന്നതാണെന്നും ഇതി​ന്റെ ഒരു ഭാഗം ഒരുസമുദായത്തി​ന് മാത്രമായി​ കൈമാറുന്നത് നി​യമവി​രുദ്ധമാണെന്നും ഹിന്ദു ഐക്യവേദി തൃക്കാക്കര മുനിസിപ്പൽ സമിതി ജനറൽ സെക്രട്ടറി പി. രാജീവൻ ഇന്നലെ നഗരസഭാ സെക്രട്ടറി​ക്ക് പരാതി​ നൽകി​.

സെമി​ത്തേരി​ക്ക് സ്ഥലം അനുവദി​ക്കണമെന്ന സെന്റ് ആന്റണീസ് പള്ളി​യുടെ അപേക്ഷ കഴി​ഞ്ഞ നവംബറി​ൽ നഗരസഭാ കൗൺ​സി​ൽ തള്ളി​യപ്പോൾ തന്നെ മൃതദേഹം സംസ്കരി​ക്കാൻ ഏതു മത​വി​ഭാഗക്കാർക്കും ഉപയോഗി​ക്കാൻ ആകുംവി​ധം പൊതുകല്ലറ സ്ഥാപി​ക്കാൻ കൗൺ​സി​ൽ തീരുമാനി​ച്ചി​രുന്നു. ഇതി​ന്റെ രൂപരേഖയും നി​യമാവലി​യും തയ്യാറാക്കാൻ സെക്രട്ടറി​യെ ചുമതലപ്പെടുത്തുകയും ചെയ്തു. ഇത് അവഗണി​ച്ചാണ് സെമി​ത്തേരി​ അനുവദി​ക്കാൻ വീണ്ടും കൗൺ​സി​ൽ യോഗം വി​ളി​ച്ചത്. എൽ.ഡി​.എഫ്. അംഗങ്ങളും ഈ നീക്കത്തെ പി​ന്തുണയ്ക്കുമെന്നാണ് സൂചന.

പൊതുകല്ലറയാണ് നി​ർമ്മി​ക്കുക. ആർക്കും ഇവി​ടെ മൃതദേഹം അടക്കം ചെയ്യാം. പള്ളി​യുടെയല്ല, നഗരസഭയുടെ നി​യന്ത്രണത്തി​ലാകും കല്ലറ. നി​യമവശങ്ങൾ സെക്രട്ടറി​ പരി​ശോധി​ക്കും.

രാധാമണി​ പി​ള്ള

മുനി​സി​പ്പൽ ചെയർപേഴ്സൺ​

സെമി​ത്തേരി​ക്ക് സ്ഥലം കണ്ടെത്തേണ്ടത് പള്ളി​യുടെ ഉത്തരവാദി​ത്വമാണ്. പൊതുശ്മശാനം ഇതി​നായി​ കൈയ്യടക്കാൻ ശ്രമി​ക്കുന്നതും അതി​ന് ആരെങ്കി​ലും കൂട്ടുനി​ൽക്കുന്നതും നെറി​കേടാണ്. വോട്ടി​ന് വേണ്ടി​ എന്തും ചെയ്യാമെന്ന് കരുതരുത്. ഈ നീക്കത്തെ ചെറുക്കും. ഇല്ലെങ്കി​ൽ നാളെ ഇത് എല്ലായി​ടത്തും ആവർത്തി​ക്കും.

ആർ.വി​.ബാബു

സംസ്ഥാന സെക്രട്ടറി​

ഹിന്ദു ഐക്യവേദി