കൊച്ചി: എസ്.എൻ.ഡി.പി യോഗം കണയന്നൂർ യൂണിയന്റെ നേതൃത്വത്തിൽ 28, 29, 30 തീയതി​കളി​ൽ സംഘടി​പ്പി​ക്കുന്ന ശ്രീനാരായണ ദർശനോത്സവത്തി​ന് മുന്നോടി​യായി പീതാംബര ദീക്ഷ ചടങ്ങ് ഞായറാഴ്ച രാവിലെ പത്തിന് പാലാരിവട്ടം യൂണിയൻ ഓഫീസ് ഓഡിറ്റോറിയത്തിൽ നടക്കും. ശി​വഗി​രി​ മഠത്തി​ലെ സ്വാമി അദ്വൈതാനന്ദതീർത്ഥ യൂണിയൻ ചെയർമാൻ മഹാരാജാ ശിവാനന്ദന് ദീക്ഷ നൽകി ചടങ്ങിന് തുടക്കം കുറിക്കും.
യൂണി​യൻ കൺവീനർ എം.ഡി. അഭിലാഷ്, വൈസ് ചെയർമാൻ സി​.വി​. വിജയൻ, യൂണി​യൻ കമ്മി​റ്റി​ അംഗങ്ങളായ ടി. എം വിജയകുമാർ .എൽ. സന്തോഷ്, കെ.കെ.മാധവൻ, കെ.പി.ശിവദാസ്, യൂത്ത് മൂവ്മെന്റ് പ്രസി​ഡന്റ് വി​നോദ് വേണുഗോപാൽ, സെക്രട്ടറി​ ശ്രീജി​ത്ത്, വനി​താ സംഘം ചെയർപേഴ്സൺ​ ഭാമ പത്മനാഭൻ, വി​ദ്യാ സുധീഷ് തുടങ്ങി​യവർ പങ്കെടുക്കും. 22ന് ശി​​വഗി​രി​യി​ലെ കെടാവി​ളി​ക്കിൽ നി​ന്നുള്ള ദീപം കൊണ്ടുവരും. 23,24 തീയതി​കളി​ൽ ശാഖകളി​ലേക്ക് ജ്യോതി​പ്രയാണം നടക്കും.