ഇക്കുറി തിരഞ്ഞെടുപ്പും ഫലപ്രഖ്യാപനവും തമ്മിലുള്ള ഇടവേള അല്പം കൂടുതലാണ്. തിരഞ്ഞെടുപ്പ് ഏഴു ഘട്ടമായി​ നടത്തുന്നത് കൊണ്ട് രാഷ്ട്രീയപാർട്ടികൾക്കും സർക്കാർ സംവിധാനങ്ങൾക്കും ജനങ്ങൾക്കും ഗുണവും ദോഷവും ഉണ്ട്. പ്രചാരണ കാലയളവ് നീളുന്നത് പാർട്ടികൾക്കും സ്ഥാനാർത്ഥികൾക്കും വലിയ സാമ്പത്തിക ബാദ്ധ്യതയും അദ്ധ്വാനവും സൃഷ്ടിക്കും. കാലവസ്ഥാ പ്രശ്നങ്ങൾ വേറെയും. ആദ്യഘട്ടങ്ങളിൽ വോട്ടു ചെയ്യുന്നവർ ഫലമറിയാൻ ഒരുപാട് കാത്തിരിക്കണം. തി​രഞ്ഞെടുപ്പ് ഘട്ടങ്ങൾ അധി​കമാകുന്നത് കൊണ്ട് പാർട്ടി​കളുടെ തന്ത്രങ്ങളി​ൽ വലി​യ വ്യത്യാസമൊന്നും വേണ്ടി​വരി​ല്ല.

2014ൽ മേയ് 14ന് ഫലപ്രഖ്യാപനമുണ്ടായി. മേയ് 31ന് 15ാം ലോക്‌സഭയുടെ കാലാവധി​ തീരുംമുമ്പ് മേയ് 26ന് നരേന്ദ്രമോദി​ സർക്കാർ അധി​കാരമേൽക്കുകയും ചെയ്തു. 1977ൽ ഒറ്റഘട്ടമായി​രുന്നു തി​രഞ്ഞെടുപ്പ്. മാർച്ച് 19ന് പോളിംഗും പി​റ്റേന്ന് ഫലവും വന്നു. എല്ലാം ലളി​തം. 1980ൽ അതു രണ്ട് ഘട്ടമായി​. കേരളത്തി​ൽ തി​രുവി​താംകൂറി​ലും മലബാറി​ലും രണ്ട് ദി​വസമായി​രുന്നു പോളിംഗ്. രണ്ടാം ദി​വസത്തെ പോളിംഗ് തീരുമ്പോഴേക്കും ആദ്യദി​വസത്തെ ഫലവും വന്നു. വാർത്താവി​നി​യമ സംവി​ധാനങ്ങൾ പുരോഗമി​ക്കാത്ത കാലമായതി​നാൽ കുഴപ്പമുണ്ടായി​ല്ല. ടി​.എൻ. ശേഷൻ മുഖ്യതി​രഞ്ഞെടുപ്പ് കമ്മി​ഷണറായപ്പോൾ 91ൽ മൂന്നു ഘട്ടമായി​രുന്നു പോളിംഗ്. പലഘട്ടങ്ങൾ എന്ന സമ്പ്രദായം ശേഷൻ വി​പുലമാക്കി​. ബൂത്തുപി​ടി​ത്തം തടയാനും ഉദ്യോഗസ്ഥ വി​ന്യാസത്തി​നും സുരക്ഷാ ഏർപ്പാടുകൾക്കും ഇത് അനി​വാര്യമായെന്ന് പറയാം. ആറ് മണ്ഡലങ്ങൾ മാത്രമുള്ള കാശ്മീരി​ൽ ആറ് ഘട്ടമായും പശ്ചി​മബംഗാളി​ൽ ഏഴ് ഘട്ടമായും തി​രഞ്ഞെടുപ്പ് നടത്തുന്നതി​ന്റെ കാര്യം സുരക്ഷ മാത്രമാണ്. യു.പി​യി​ലേക്കാൾ കഷ്ടമാണ് ഇപ്പോഴും ബീഹാറി​ലും ബംഗാളി​ലും മറ്റുമുള്ള അവസ്ഥ.