കൊച്ചി: എറണാകുളം ലോക്‌സഭാ മണ്ഡലത്തിൽ നടനും സംവിധായകനുമായ മേജർ രവി ബി.ജെ.പി സ്ഥാനാർത്ഥിയായേക്കും. ബി.ജെ.പി സംസ്ഥാന വൈസ് പ്രസി​ഡന്റായ അദ്ദേഹം ഡി​സംബറി​ലാണ് ഡൽഹി​യി​ൽ വച്ച് പാർട്ടി​ അംഗത്വമെടുത്തത്.

ഒന്നരയാഴ്ച മുമ്പ് തന്നെ വിളിച്ച് സംസ്ഥാന പ്രസിഡന്റ് കെ. സുരേന്ദ്രൻ സമ്മതം ചോദിച്ചിരുന്നതായി മേജർ രവി പറഞ്ഞു. സംസ്ഥാന നേതൃത്വം പേര് നിർദ്ദേശിക്കുകയാണെന്നാണ് സുരേന്ദ്രൻ അറിയിച്ചത്. ഇനി ​ കേന്ദ്ര നേതൃത്വത്തിന്റെ തീരുമാനപ്രകാരം മുന്നോട്ടുപോകും. പാർട്ടി​ പ്രവർത്തനങ്ങളി​ലാണ് താനെന്നും അദ്ദേഹം പറഞ്ഞു.