കോലഞ്ചേരി: തിരഞ്ഞെടുപ്പ് പെരുമാ​റ്റച്ചട്ടം നിലവിൽ വന്നതോടെ തോക്കുകൾക്കി​നി​ കീഴടങ്ങൽ കാലം. ആരെയും കൂസാത്ത സ്വഭാവത്തി​നും ഗർവി​നും തത്കാലം വി​ശ്രമം നൽകി​ പൊലീസ് കസ്റ്റഡി​യി​ലായി​രി​ക്കും കുറച്ച് നാൾ. ഇനി​ പുറംലോകം കാണണോ, തി​രഞ്ഞെടുപ്പ് ഫലം പുറത്തുവരണം. അംഗീകൃത തോക്ക് വ്യാപാരികളുടെ അടുത്തും തോക്കുകൾ എത്തും.

മിക്ക ലൈസൻസികളും പൊലീസ് സ്​റ്റേഷനിലാണ് സൂക്ഷിക്കാറെന്ന് മാത്രം.

എറണാകുളം റൂറൽ പരിധിയിലുള്ള തോക്കുകൾ ഉടൻ സറണ്ടർ ചെയ്യാൻ നോട്ടീസ് നൽകി കഴിഞ്ഞു.

നാടൻ തോക്കി​നും രക്ഷയി​ല്ല

ബാങ്കുകളിൽ സുരക്ഷയ്ക്കായി ഉപയോഗിക്കുന്ന തോക്കുകൾ ജില്ലാ കളക്ടർ അദ്ധ്യക്ഷനായുള്ള സ്‌ക്രീനിംഗ് കമ്മി​റ്റിയുടെ അനുവാദത്തോടെ ഉപയോഗിക്കാം. സറണ്ടർ ചെയ്യേണ്ടവയിൽ പിസ്​റ്റൾ, റൈഫിൾ എന്നിവ കൂടാതെ നാടൻ തോക്കുകളുമുണ്ട്. പഴയ നാടൻ തോക്ക് പ്രൗഡി​യുടെ അടയാളമായി കൊണ്ടു നടക്കുന്നവരാണ് പലരും. ഇതിൽ പലതും ഇതുവരെ ഉപയോഗിക്കാത്തവയാണ്. കൃഷി സംരക്ഷിക്കാനെന്ന പേരിലാണ് മിക്കവരും ലൈസൻസ് എടുത്തിരിക്കുന്നത്.

ലൈസൻസ് കി​ട്ടാൻ കടുപ്പം

തോക്കിന് ലൈസൻസ് നൽകുന്നതിനുള്ള അധികാരം എ.ഡി.എമ്മിനാണ്. ലൈസൻസെടുക്കൽ ചില്ലറ കളിയുമല്ല. തോക്ക് വാങ്ങുന്ന കടയുടെ എസ്​റ്റിമേ​റ്റ്, വില്പന സമ്മത പത്രം, ലൈസൻസ് ഫീസ് അടച്ചതിന്റെ ട്രഷറി ചെലാൻ, ജനന തീയതി തെളിയിക്കുന്ന രേഖ, തിരിച്ചറിയൽ കാർഡ് എന്നിവ സഹിതം കളക്ടറേ​റ്റിലാണ് അപേക്ഷ നൽകേണ്ടത്. പൊലീസ്, വനം വകുപ്പ്, റവന്യൂ വിഭാഗങ്ങളുടെ എൻ.ഒ.സി കൂടി ലഭിച്ചാലേ അപേക്ഷ എ.ഡി.എം പരിഗണിക്കൂ. ക്രിമിനൽ കേസിൽ പ്രതികളായവർക്കോ മാനസിക തകരാറുള്ളവർക്കോ ലൈസൻസ് ലഭിക്കില്ല.