പറവൂർ: തുരുത്തിപ്പുറം ശ്രീനാരായണഗുരു സേവാസംഘം ശ്രീ ഭുവനേശ്വരിദേവി ക്ഷേത്രത്തിൽ ധ്വജപ്രതിഷ്ഠാ മഹോത്സവത്തിന് കൊടിയേറി. ഇന്ന് വൈകിട്ട് 7ന് അഷ്ടനാഗക്കളം, നാളെ വൈകിട്ട് ഏഴരയ്ക്ക് ഓട്ടൻതുള്ളൽ, 21ന് രാവിലെ ഒമ്പതരയ്ക്ക് വിശേഷാൽ ആയില്യംപൂജ, വൈകിട്ട് ഏഴരയ്ക്ക് താലം വരവേൽപ്പ്. മഹോത്സവദിനമായ 22ന് രാവിലെ 8ന് ലളിതാസഹസ്രനാമാർച്ചന, 9ന് ശ്രീബലി എഴുന്നെള്ളിപ്പ്, പത്തരക്ക് പഞ്ചവിംശതികലശാഭിഷേകം. വൈകിട്ട് 5ന് പകൽപ്പൂരം, രാത്രി 9ന് ദീപാരാധന, ദീപക്കാഴ്ച. പുലർച്ചെ 2ന് ആറാട്ട് എഴുന്നള്ളിപ്പ്.