ആലുവ: ശ്രീമൻ നാരായണൻ നടപ്പാക്കുന്ന 'ജീവജലത്തിന് ഒരു മൺപാത്രം പദ്ധതി'യുടെ 12-ാം വാർഷിക സംസ്ഥാനതല വിതരണോദ്ഘാടനം അപൂർവ ഗുരുശിഷ്യ ബന്ധത്തിന്റെ നേർക്കാഴ്ച്ചയായി. എറണാകുളം ശിവക്ഷത്ര സന്നിധിയിൽ ജസ്റ്റിസ് ദേവൻ രാമചന്ദ്രൻ ഉദ്ഘാടന പ്രസംഗത്തിനിടെയാണ് അഞ്ചാം ക്ലാസിൽ പഠിപ്പിച്ച അദ്ധ്യാപിക രാധവർമ്മ ടീച്ചറെ കണ്ടത്.

സദസിൽ ടീച്ചറെ കണ്ടതോടെ 'അയ്യോ എന്നെ പഠിപ്പിച്ച ടീച്ചറാണ് ആ അറ്റത്തിരിക്കുന്നത്, 'നമസ്‌കാരം ടീച്ചറെ' എന്നു പറഞ്ഞ് ജസ്റ്റിസ് തൊഴുതുകൊണ്ട് മുന്നോട്ടു ചെല്ലുകയായിരുന്നു. ടീച്ചറി​ന്റെ അടുത്തെത്തി​ ഒരു നി​മിഷം നിറകണ്ണുകളോടെ വീണ്ടും തൊഴുതു നിന്ന ജസ്റ്റിസ് എറണാകുളത്തപ്പനെയും വണങ്ങി. തുടർന്ന് ടീച്ചറെ വേദിയിലേക്ക് ക്ഷണിച്ച് ആദ്യ മൺപാത്രം ടീച്ചർക്ക് നൽകി​. ചടങ്ങിൽ പങ്കെടുത്തവർക്കും ഗുരുശിഷ്യ ബന്ധത്തിന്റെ അസാധാരണമായ നി​മി​ഷങ്ങളുടെ
പ്രൊഫ. എം.കെ. സാനു അദ്ധ്യക്ഷത വഹിച്ചു. ശ്രീമൻ നാരായണൻ, തെരുവോരം മുരുകൻ, ദേവസ്വം ഓഫീസർ അഖിൽ ദാമോദർ, ശശിധരൻ കല്ലേരി തുടങ്ങിയവർ സംസാരിച്ചു.