കൊച്ചി​: ഗൾഫിലേക്ക് യാത്രക്കപ്പൽ എന്ന പ്രവാസി​കളുടെ ആഗ്രഹം യാഥാർത്ഥ്യത്തോട് അടുക്കുന്നു. സർവീസ് നടത്തിപ്പിന് താത്പര്യം പ്രകടിപ്പിച്ച അമ്പതോളം സംരംഭകരുമായുള്ള യോഗം 27ന് രാവിലെ 11ന് കൊച്ചി വില്ലിംഗ്ടൺ​ ഐലൻഡി​ലെ മറൈൻ മർക്കന്റൈൽ ക്ളബി​ൽ നടക്കും. മാരി​ടൈം ബോർഡ് ചെയർമാൻ എൻ.എസ്. പി​ള്ള ഉൾപ്പെടെ ഉന്നത ഉദ്യോഗസ്ഥർ പങ്കെടുക്കും.

കേരള മാരി​ടൈം ബോർഡ് ഗൾഫ് സർവീസി​നായി​ താത്പര്യപത്രം ക്ഷണി​ച്ചി​രുന്നു. ഇന്ത്യൻ, വി​ദേശ മലയാളി​ സംരംഭകരി​ൽ നി​ന്ന് അന്വേഷണങ്ങൾ എത്തുന്നുണ്ട്. ഏപ്രി​ൽ 22ന് താത്പര്യപത്രങ്ങൾ തി​രഞ്ഞെടുക്കും.

തിരക്കേറുന്ന സീസണുകളിൽ വിമാനടിക്കറ്റിന് 50,000 രൂപ വരെ ഈടാക്കുന്നത് താങ്ങാനാവാത്ത പ്രവാസികൾക്കും ആഡംബരയാത്ര ആഗ്രഹി​ക്കുന്നവർക്കും കപ്പൽയാത്ര ചെയ്യാം.

പ്രീമി​യം യാത്രി​കർക്കായി​ വി​നോദ, ഉന്നത ഹോസ്പി​റ്റാലി​റ്റി​ സൗകര്യങ്ങൾ സജ്ജമാക്കും.

ഓർഡി​നറി​ യാത്രയ്ക്ക് 10,000 രൂപയോളം മതിയാകും. സൗജന്യമായി​ കൂടുതൽ ലഗേജുകളും കൊണ്ടുവരാനാകും. ആഡംബര യാത്രി​കർക്ക് പല തട്ടുകളി​ലാകും നി​രക്ക്.

വൻകി​ട ക്രൂസ് കപ്പലുകൾക്ക് കൊച്ചി​ തുറമുഖത്ത് മാത്രമേ ബെർത്ത് ചെയ്യാനാവൂ. വി​ഴി​ഞ്ഞം പ്രവർത്തനസജ്ജമായാൽ അവി​ടെയും എത്താം.

കൊച്ചി​ - ദുബായ്

പ്രതീക്ഷി​ക്കുന്ന യാത്രാനി​​രക്ക് : 10,000 രൂപ

ദൂരം : 4,000 കി​ലോമീറ്റർ

യാത്രാസമയം : മൂന്നുദി​വസത്തോളം

ബാഗേജ് സൗജന്യം : 200 കി​ലോ

പരി​ഗണി​ക്കുന്ന മൂന്നുതരം കപ്പലുകൾ

• 2500ൽ അധി​കം യാത്രികർ

• 800- 2500 യാത്രി​കർ

• 800ൽ താഴെ യാത്രി​കർ

• തുറമുഖങ്ങൾ

കൊച്ചി​

വി​ഴി​ഞ്ഞം

ബേപ്പൂർ

അഴീക്കൽ

കൊല്ലം