ആലുവ: എടയപ്പുറം എസ്.എൻ.ഡി.പി ഗ്രന്ഥശാല സീനിയർ സിറ്റിസൺ ഫോറത്തിന്റെ നേതൃത്വത്തിൽ പാലാരിവട്ടം ചൈതന്യ ഐ ഹോസ്പിറ്റലിന്റെ സഹകരണത്തോടെ സംഘടിപ്പിച്ച സൗജന്യ നേത്ര പരിശോധന- തിമിര ശസ്ത്രക്രിയ ക്യാമ്പ് ജില്ലാ ലൈബ്രറി കൗൺസിൽ സെക്രട്ടറി എം.ആർ. സുരേന്ദ്രൻ ഉദ്ഘാടനം ചെയ്തു.
സീനിയർ സിറ്റിസൺ ഫോറം പ്രസിഡന്റ് എം.കെ. വേണുഗോപാൽ അദ്ധ്യക്ഷത വഹിച്ചു. പാലാരിവട്ടം ചൈതന്യ ഐ കെയർ ഹോസ്പിറ്റലിലെ ഡോ. അങ്കിത്ത്, വാഴക്കുളം ബ്ലോക്ക് പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്‌സൺ ലിസി സെബാസ്റ്റ്യൻ, കീഴ്മാട് ഗ്രാമപഞ്ചായത്ത് അംഗങ്ങളായ ഹിത ജയകുമാർ, സാഹിദ അബ്ദുൾ സലാം, സിമി അഷ്‌റഫ്, റസീന നജീബ്, ഗ്രന്ഥശാല പ്രസിഡന്റ് സി.കെ. ജയൻ, സെക്രട്ടറി സി.എസ്. അജിതൻ എന്നിവർ സംസാരിച്ചു.